తన పరిస్థితి ఎవరికి చెప్పుకోలేదు, ఒకసారి అప్పుడే వెన్నుపోటు పొడిపించుకున్నాడు, ఇక ఎవరిని నమ్మాలన్నా ఆచి తూచి వ్యవహరించాల్సి వస్తుండటంతో ఎవరిని దగ్గరకు రానీయడం లేదు. తానే ఈ పరిస్థితికి పార్టీని దిగజార్చుకున్న విషయం ఆయనకు అర్ధం అవుతుండొచ్చు, కానీ బయటపడితే చిన్నతనంగా ఉంటుందనే కారణం తో నలిగిపోతున్నాడు. అందుకే ఎప్పుడూ లేని అసహనానికి గురవుతూ అదే ఆయా పరిస్థితులలో వెళ్లగక్కుకుంటున్నాడు. అంతకన్నా తాను చేసేది లేక, రాజకీయాలకు కొత్త కదా, మిన్నకుంటున్నాడు.
అయినా లోకం కోసం పాత ప్రేమికురాలితో లేని ప్రేమను నటించాల్సి వస్తుంది. వదిలితే వదిలేశాడు అంటారు, లేకపోతే తన గొయ్యి తానే తవ్వుకున్నట్టు అవుతుంది. ఈ పరిస్థితికి ఆ పార్టీని తేవడానికే ఆయన ప్రియురాలు ఎప్పుడో ఆ పార్టీ ఆవిర్భావం రోజే ప్రణాళిక వేసుకున్న విషయం మనోడికి తెలియక పప్పులో కాలు వేసి, కమిలిపోయిన కాలికి మందు రాసుకుంటూ సరిపెట్టుకుంటున్నాడు. ఎవరి ఖర్మానికి ఎవరు బాద్యులు అంటూ తన పరిస్థితికి తానే సిగ్గుపడుతూ, ప్రేమను కొనసాగిస్తాను అంటూ బాహాటంగానే వాపోతున్నాడు. ఏమైనా చరిత్రలో ఇన్ని వెన్నుపోట్లు పొడిచిన ప్రియురాలు ఇంకెక్కడా ఉండదేమో అంటున్నారు రాజకీయ విశ్లేషకులు. ఇంతకీ ప్రియురాలు అంటే నీకు అర్ధం అవుతుందా!
