ఇక దర్శకుడు బోయపాటి శ్రీను మాట్లాడుతూ సినిమాకు సినీ ప్రియుల నుంచి అద్భుతమైన స్పందన రావడం ఈ వేడుకను జరుపుకోవడానికి కారణం అని వెల్లడించారు. ఇక మూవీ లవర్స్ మంచి కంటెంట్ ఉన్న సినిమాలను ప్రోత్సహిస్తారని మరోసారి నిరూపించారని అన్నారు. సినిమా కమర్షియల్ హిట్ కావడమే అందుకు నిదర్శనమని, డిడ్ ఇండస్ట్రీకి ధైర్యాన్ని ఇచ్చిందని అన్నారు. బాలకృష్ణ గురించి మాట్లాడుతూ ఆయన చేస్తే క్యారెక్టర్ లు రెచ్చి పోతూ ఉంటాయి అని, బాలయ్యతో కలిసి మూడు సినిమాలు చేయడం సంతోషంగా ఉందని అన్నారు. ఇక ప్రకృతి పిల్లలు పరమాత్మని గౌరవిస్తే రాబోయే తరాలు మరింత అభివృద్ధి చెందుతాయని తెలియజేశారు.
బాలయ్య మాట్లాడుతూ ఈరోజు వర్షం పడుతుంది అన్నారు అని, కానీ ఈ కార్యక్రమానికి వరుణ దేవుడు కూడా సహకరించడం శుభపరిణామమని అన్నారు. బోయపాటి, తాను ఒకరినొకరు బాగా నమ్ముతామని, సాధారణంగా బోయపాటి పూర్తిగా కథలు చెప్పడు అని అన్నారు. సినిమాలోని కొన్ని కీలక సన్నివేశాలు మాత్రమే విని ఆయనకు ఓకే చెప్పానని, నటీనటుల నుండి అద్భుతమైన టాలెంట్ ను బయటకు తీసుకురా సామర్థ్యం బోయపాటి సొంతమని బాలయ్య ప్రశంసల వర్షం కురిపించారు. బోయపాటితో కలిసి హ్యాట్రిక్ హిట్ కొట్టడం సంతోషంగా ఉందని బాలయ్య వెల్లడించారు.
