ఆగష్టు 12 వ తేదీన అఖిల్ అక్కినేని హీరోగా సురేందర్ రెడ్డి దర్శకత్వంలో తెరకెక్కిన ఏజెంట్ సినిమాను విడుదల చేయనున్నట్లు చిత్ర బృందం ఇప్పటికే అధికారికంగా ప్రకటించింది.
సమంత ప్రధాన పాత్రలో తెరకెక్కిన యశోద సినిమాను కూడా ఆగస్టు 12 వ తేదీన విడుదల చేయనున్నట్లు చిత్ర బృందం ఇప్పటికే ప్రకటించింది.
తమిళ స్టార్ హీరో విక్రమ్ హీరోగా తెరకెక్కిన ‘కోబ్రా’ మూవీ ఆగస్ట్ 11 న సౌత్ మొత్తం భారీ స్థాయిలో రిలీజ్ కానుంది. ఇందుకు సంబంధించిన అధికారిక ప్రకటన కూడా తాజాగా వచ్చేసింది.
ఈ సినిమాలతో పాటు మెగాస్టార్ చిరంజీవి హీరోగా తెరకెక్కుతున్న గాడ్ ఫాదర్ సినిమాను కూడా ఆగస్టు ఈ నెల రెండవ వారంలో విడుదల చేయడానికి చిత్ర బృందం సన్నాహాలు చేస్తున్నట్లు తెలుస్తోంది. ఇలా ఈ ఆగస్టు నెల రెండవ వారంలో టాలీవుడ్ బాక్సాఫీస్ దగ్గర పెద్ద యుద్ధమే జరిగేటట్లు కనిపిస్తోంది.