కళ్యాణ్ రామ్ హీరోగా నటించిన బింబి సారా చిత్రం ఇటీవల ప్రేక్షకుల ముందుకు వచ్చి ఎంతటి ఘన విజయాన్ని అందుకుందో ప్రతి ఒక్కరికి తెలిసిందే. వశిష్ట అనే ఒక నూతన దర్శకుడు తో కలసి కళ్యాణ్ రామ్ చేసిన ఈ విజువల్ వండర్ సినిమాకు ప్రేక్షకులందరూ కూడా ఫిదా అయిపోయారు. సరికొత్త కాన్సెప్ట్ తో రూపొంది ప్రేక్షకులు ముందుకు తీసుకువచ్చిన చిత్ర బృందాన్ని ప్రతి ఒక్కరు కూడా అభినందించారు. చాలా రోజుల తర్వాత ఓ సరికొత్త సినిమాను చూసిన ఫీలింగ్ కలిగిందని ప్రేక్షకులందరూ కూడా వారిని పొగిడారు
ముఖ్యంగా కళ్యాణ్ రామ్ తన నటనతో ప్రేక్షకులందరికీ ఎంతగానో ఆకట్టుకున్నాడు. గతంలో ఎప్పుడు చేయని విధంగా ఈ సినిమాలో నటించి ఆయన తనలోని నటన స్టామినాను ప్రేక్షకులందరికీ మరొకసారి పంచాడు. ఇప్పటిదాకా కమర్షియల్ సినిమాలలో నటిస్తూ వచ్చిన ఈ హీరో ఒకేసారి పూర్తిగా తన జోనర్ మార్చి వేసి చారిత్రాత్మక సినిమాలో నటించడం నిజంగా ఈ సినిమా ఇంతటి పెద్ద విజయం అందుకోవడానికి ప్రముఖ కారణం అయ్యింది అని చెప్పాలి. అయితే ఈ సినిమా విడుదల తరువాత చిత్ర బృందం ఈ సినిమా యొక్క రెండవ భాగం చిత్రీకరణ పై స్పష్టత ఇస్తూ వచ్చింది.
తాజాగా ఈ సినిమా యొక్క రెండవ భాగం చేయబోతున్నట్లుగా కళ్యాణ్ రామ్ స్పష్టం చేశాడు అయితే ఈ సినిమాను ఎప్పుడు చేస్తామన్నది ఇంకా చెప్పలేదు ప్రస్తుతం డెవిల్ అనే ఓ సినిమాలో నటిస్తున్న కళ్యాణ్ రామ్ ఆ చిత్రం పూర్తయిన తర్వాత ఈ రెండవ భాగం సినిమాను మొదలుపెట్టే విధంగా ఆలోచన చేస్తున్నాడట మరి ఈ సినిమా ఏ స్థాయిలో ప్రేక్షకులను ఆకట్టుకుంటుందో చూడాలి. ప్రస్తుతం ఈ సినిమాకు సంబంధించిన పనులను చేస్తున్నట్లు చిత్ర బృందం వెల్లడిస్తుంది త్వరలోనే దీనికి సంబంధించిన అధికారిక ప్రకటన కూడా రానుంది ప్రస్తుతం చిత్ర బృందం మొత్తం కూడా మొదటి భాగం విజయోత్సాహంలో ఉంది.
