కేతిక శర్మకి అందం, అభినయం ఉన్నప్పటికీ సినీ పరిశ్రమలో ఆశించిన ఫలితం మాత్రం దక్కలేదు. ఈ భామ ఢిల్లీ నుండి సినిమాలలో నటించాలని కోరికతో సినీ పరిశ్రమలోకి అడుగుపెట్టింది. ఈమె ఆకాశ్ పూరీతో రొమాంటిక్ సినిమా చేసింది కానీ విజయం సాధించలేదు. ఆ తర్వాత యంగ్ హీరో వైష్ణవ్ తేజ్ తో అంగరంగ వైభవంగా సినిమాలో నటించింది. ఈ సినిమా కూడా బాక్సాఫీస్ వద్ద ఫ్లాప్ అయింది. హీరో నాగశౌర్యతో లక్ష్య సినిమాలో కూడా హీరోయిన్ గా నటించింది. అయినప్పటికీ ఈ సినిమా కూడా డిజాస్టర్ గా మిగిలిపోయింది. దీంతో ఈ బ్యూటీ కొంత గ్యాప్ తీసుకుని రాబిన్ హుడ్ సినిమా లో ఐటమ్ బ్యూటీ గా మారింది. అయినా హిట్ అందుకోలేకపోయింది. కేతిక శర్మ విజయ్ 69 సినిమాతో బాలీవుడ్ లోకి ఎంట్రీ ఇచ్చింది. అక్కడ కూడా ఈ భామకు నిరాశే మిగిలింది.
ఇదిలా ఉండగా ఈ అందాల భామ తాజాగా హిట్ అందుకుంది. సింగిల్ సినిమాతో కేతిక శర్మ ప్రేక్షకులను అలరించి మంచి గుర్తింపును సొంతం చేసుకుంది. ఈ సినిమాలో శ్రీ విష్ణు హీరోగా నటించాడు. ఈ సినిమాలో హీరోయిన్ గా కేతిక శర్మతో పాటుగా నటి ఇవానా కూడా నటించింది. ఈ సినిమాను డైరెక్టర్ కార్తీక్ రాజు తెరకెక్కించారు. మే 9న విడుదలైన ఈ సినిమా బాక్స్ ఆఫీస్ వద్ద పాజిటివ్ టాక్ ని సొంతం చేసుకుంది. ఈ సినిమా మంచి ఎంటర్టైన్మెంట్ మూవీ అని రివ్యూలు కూడా వచ్చాయి. దీంతో కేతిక శర్మ సినీ జీవితంలో ఈ సినిమా ఫస్ట్ హిట్ గా నిలిచింది. ఈ క్రమంలో ఈ బ్యూటీకి క్రేజీ ఆఫర్ లు రాబోతున్నాయని సినీ సర్కిల్ లో టాక్ వినిపిస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి