ప్రస్తుతం తెలుగు సినిమా పరిశ్రమలో కొత్త కథలకు, కొత్త ఆలోచనలకు మంచి ఆదరణ లభిస్తోంది. ఒకప్పుడు భారీ బడ్జెట్‌తో, పెద్ద స్టార్లతో వచ్చే సినిమాలే విజయం సాధిస్తాయనే అభిప్రాయం ఉండేది. కానీ ఇప్పుడు చిన్న సినిమాలూ తమ సత్తా చాటుకుంటున్నాయి. ఇటీవలి కాలంలో విడుదలైన కొన్ని చిత్రాలు ఈ విషయాన్ని స్పష్టం చేశాయి.
పెద్ద దర్శకులు, అగ్ర నటులు లేకపోయినా, మంచి కథ, ఆకట్టుకునే కథనం ఉంటే ప్రేక్షకులు కచ్చితంగా సినిమాను ఆదరిస్తారు. "లిటిల్ హార్ట్స్" వంటి చిత్రాలు ఈ ధోరణికి నిదర్శనం. సామాన్య ప్రేక్షకుల మనసుకు దగ్గరైన కథలు, భావోద్వేగాలకు ప్రాధాన్యతనిస్తూ తీసే సినిమాలు బాక్సాఫీస్ వద్ద అద్భుతాలు సృష్టిస్తున్నాయి. దీనివల్ల యువ దర్శకులకు, కొత్త నటులకు మరిన్ని అవకాశాలు వస్తున్నాయి.
ఈ పరిణామం తెలుగు సినిమాకు ఒక కొత్త శకాన్ని సూచిస్తోంది. భవిష్యత్తులో కథే హీరోగా మరిన్ని వైవిధ్యమైన చిత్రాలు థియేటర్లలో సందడి చేస్తాయని ఆశించవచ్చు. ఇది సినీ పరిశ్రమకు, ప్రేక్షకులకు ఇద్దరికీ మంచి శుభవార్త అని చెప్పవచ్చు. థియేటర్లలో ఏకకాలంలో మూడు సినిమాలు విడుదల కాగా ఘాటీ, మదరాసి, లిటిల్ హార్ట్స్ సినిమాలలో ఘాటీ, మదరాసి చిత్రాలలో ఏదో ఒక సినిమా బాక్సాఫీస్ వద్ద సత్తా చాటుతుందని సినీ విశ్లేషకులు, ప్రేక్షకులు భావించారు.
కానీ అందరి అంచనాలను తలకిందులు చేస్తూ లిటిల్ హార్ట్స్ సినిమా అనూహ్య విజయాన్ని సాధించింది. కుందేలు, తాబేలు పరుగుపందెంలో తాబేలు గెలిచినట్టుగానే, బాక్సాఫీస్ పోరులో లిటిల్ హార్ట్స్ అందరినీ ఆశ్చర్యపరిచింది. పెద్ద అంచనాలు లేని ఈ చిత్రం తొలి రోజే దాదాపు రూ. 2 కోట్ల రూపాయల కలెక్షన్లు సాధించి రికార్డు సృష్టించింది. ఈ సినిమా ప్రేక్షకులను ఆకట్టుకున్న తీరు చూస్తుంటే, దీని ఫుల్ రన్ కలెక్షన్లు మరింత భారీగా ఉంటాయని అంచనా వేయవచ్చు. మరి ఈ చిన్న సినిమా బాక్సాఫీస్ వద్ద ఎలాంటి సంచలనాలు సృష్టిస్తుందో వేచి చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి