ఈ రెండు దేశాల మధ్య సరిహద్దు సమస్య చాలా కాలంగా సద్దుమణగలేదు, అయితే ఆ సమస్యను పరిష్కరించాలి అని గతంలో చర్చలకు అడుగులు వేయాలని నిర్ణయించాయి. ఆ తరువాత కొద్ది రోజులకే ఈ తరహా ఒప్పందాలు కుదుర్చుకున్నాయి చైనా-భూటాన్ లు. దీనికి ముందు చైనానే అడుగులు వేయడం జరిగింది. ఈ నెల 14న రెండు దేశాల రాజధానులు బీజింగ్, థింపూ లో చర్చలు వేగవంతం చేశారు. ఈ సందర్భంగా మాట్లాడిన చైనా సహాయ విదేశాంగ మంత్రి వు జియాంగ్ హావో తాజా ఒప్పందాలతో రెండు దేశాల మధ్య దౌత్య సంబంధాలను నెలకొల్పడానికి సహకరిస్తుందని అన్నారు.
భూటాన్ 400 కిలోమీటర్ల మేర చైనా తో సరిహద్దులను పంచుకుంటుంది. ఇప్పటి వరకు సరిహద్దు వివాదాలను పరిష్కరించుకోవడానికి ఇద్దరు 24 సార్లు చర్చలు జరిపారు. ఇప్పటి వరకు రెండు దేశాల మధ్య దౌత్య సంబంధాలు లేనప్పటికీ, ఆయా దేశాల అధికారులు మాత్రం సందర్శనల ద్వారా పరిచయాలు కొనసాగిస్తూ ఉన్నారు. చైనా ఇప్పటివరకు 12 పొరుగు దేశాలతో సరిహద్దు వివాదాలను పరిష్కరించుకోగా, కేవలం భారత్, భూటాన్ ల వి మాత్రం ఇంకా కొనసాగతూనే ఉన్నాయి. తాజా భూటాన్ ఒప్పందం అమలు అయితే, భారత్ విషయంలో కూడా అదే జరగటానికి అవకాశాలు ఉన్నాయా అన్నది మాత్రం సందేహమే. భూటాన్ తో కూడా ఈ హటాత్తు ప్రేమలు ఎందుకంటే దానితో కూడా భారత్ సన్నిహితంగా ఉంటుంది కాబట్టి, దానిని తమవైపు తిప్పుకోవడానికే ఈ తతంగం. అంటే చైనా వలలో మరో పిట్ట చిక్కినట్టే.
