జీవితంలో నెగ్గాలంటే అందరినీ కలుపుకుని పోవాలి.. మన శత్రువుల సంఖ్యను దాదాపుగా తగ్గించుకోవాలి. మన శ్రేయోభిలాషుల సంఖ్యను పెంచుకోవాలి. విజయం ఊరికే రాదు. ఎంతో శ్రమ చేస్తేనే వస్తుంది. అదే సమయంలో అలా సాధించిన విజయానికి ఎంతో సంతృప్తి కూడా కలుగుతుంది.
మరి.. ఎదుటి వారిని బుట్టలో పడేయం ఎలా.. అందులోనూ ఎలాంటి ఖర్చు పెట్టకుండా ఎదుటివారిని ఆకట్టుకోవడం ఎలా.. ఇందుకు ఉన్న ఒకే ఒక్క సింపుల్ చిట్కా.. మనం మనస్ఫూర్తిగా వారిని పలకరించడమే. ఎందుకంటే పలకరింపులు లేకపోతే అనుబంధాలు ఉండవు.. ఒకరిని ఒకరు గౌరవించుకోకపోతే.. ప్రేమలు ఉండవు.
అసలు నమ్మకం అనేది లేకపోతే ఒకరితో ఒకరు ఉండలేరు.. భావాలకి విలువ ఇవ్వకుంటే. బంధాల మధ్య దూరం పెరుగుతూ పోతుంది.. క్షమించే గుణం లేకపోతే బంధం కొనసాగింపు కష్టమవుతుంది.. నిర్లక్ష్యం చేస్తే బంధం యొక్క బలం తగ్గిపోతుంది. అందుకే మంచి మానవ సంబంధాలు మెరుగుపరుచుకుంటే ఆటోమేటిగ్గా అది విజయం వైపు మిమ్మల్ని తీసుకెళ్తుంది.
