నందమూరి నట సింహం బాలయ్య బాబు ప్రస్తుతం తమిళ్ స్టార్ డైరెక్టర్ కె.ఎస్.రవికుమార్ దర్శకత్వంలో ఓ సినిమా చేస్తున్న సంగతి తెలిసిందే. కాగా ఈ చిత్రం నిన్నటితో షూటింగ్ ను పూర్తి చేసుకున్న సంగతి తెలిసిందే. ఆలాగే ఈ సినిమా పోస్ట్ ప్రొడక్షన్ పనులు కూడా శరవేగంగా జరుగుతున్నాయి. కాగా తాజాగా ఈ సినిమా టైటిల్ అండ్ ఫస్ట్ లుక్ కి సంబంధించి చిత్రబృందం అప్ డేట్ ఇచ్చింది. ఈ నెల 26న మధ్యాహ్నం 2 గంటల 50 నిముషాలకు సినిమా టైటిల్ ను మరియు ఫస్ట్ లుక్ పోస్టర్ ను రిలీజ్ చేయబోతున్నట్లు అధికారికంగా పోస్టర్ ను విడుదల చేశారు. అయితే ఈ చిత్రానికి 'రూలర్' అనే టైటిల్ నిర్ణయించినట్లు వార్తలు వచ్చాయి. మరి అదే టైటిల్ ను ప్రకటిస్తారా లేక కొత్త టైటిల్ ను ఎనౌన్స్ చేస్తారా అనేది చూడాలి. `జైసింహా` వంటి విజయవంతమైన చిత్రం తర్వాత కె.ఎస్.రవికుమార్ - బాలయ్య హిట్ కాంబినేషన్ లో రూపొందుతోన్న ఈ సినిమాలో బాలకృష్ణ రెండు డిఫరెంట్ లుక్స్లో కనపడనున్నారు.
కాగా షూటింగ్ పూర్తి అయినా ఇంకా ప్యాచ్ వర్క్ ఉందని మరో నాలుగు రోజులు షూట్ చేయనున్నారని తెలుస్తోంది. ఈ ఫ్యాచ్ వర్క్ షెడ్యూల్ లో ఫ్యామిలీ సన్నివేశాలను షూట్ చేయనున్నారు. ఈ సన్నివేశాల్లో బాలయ్య - భూమిక చావ్లా మధ్య వచ్చే సీన్స్ తో పాటు కొన్ని కామెడీ సీన్స్ కూడా ఉంటాయట. పైగా ఈ సీన్స్ లో జయసుధ, రావు రమేష్ కూడా ఉన్నారట. ఇక ఈ సినిమాలో లుక్స్ కోసం బాలయ్య రోజుకి ఐదు గంటలు వ్యాయామం చేశారు. ఈ వయసులో కూడా బాలయ్య ఆ రేంజ్ లో కష్టపడటం నిజంగా గ్రేటే. ఇక ఈ చిత్రంలో బాలయ్య సరసన సోనాల్ చౌహాన్ అండ్ వేదిక హీరోయిన్లుగా నటించనున్నారు. అయితే వేదిక మధ్య వయస్సులో ఉండే బాలయ్య పాత్రకు జోడీగా కనిపించనుంది.
అలాగే ఓ కీలకమైన పాత్రలో నమిత కనిపించనుంది. నమితది నెగటివ్ షేడ్స్ ఉన్న పాత్ర.. ముఖ్యంగా సినిమాలో బాలయ్యకి విలన్ గా కనిపించనుంది. ఇప్పటికే సింహా సినిమాలో బాలయ్య సరసన నమిత నటించింది. ఇక ఈ చిత్రంలో విలక్షణ నటుడు జగపతిబాబు పవర్ ఫుల్ విలన్ గా నటించబోతున్నాడు. బ్లాక్బస్టర్ `లెజెండ్` తర్వాత బాలకృష్ణ, జగపతిబాబు కాంబినేషన్లో ఈ చిత్రం రూపొందనుంది. ప్రముఖ సంగీత దర్శకుడు చిరంతన్ భట్ సంగీత సారథ్యం వహిస్తున్నారు. ప్రముఖ నిర్మాత, సి.కె.ఎంటర్ టైన్మెంట్స్ అధినేత సి.కల్యాణ్ ఈ చిత్రాన్ని నిర్మిస్తున్నారు.