మనుషులు, పశువులు సహా వాహనాలను ఢీకొడుతూనే దూసుకుపోతూ ఉంటుంది. ఇక ఇలా రైలు ఆగదు కాబట్టే ఎంతోమంది పట్టాలపై ఆత్మహత్యలు చేసుకోవడానికి ప్రయత్నిస్తూ ఉంటారు. ఎన్నో మూగజీవాలు పట్టాలు దాటుతూ చివరికి ప్రాణాలు కోల్పోతూ ఉంటాయి అన్న విషయం తెలిసిందే. ఇలా ఎలాంటి పరిస్థితుల్లో కూడా బ్రేక్ వేయని లోకో పైలట్ ఇక్కడ ఏకంగా పట్టాలపై ఒక హంసను చూసి బ్రేక్ వేశాడు. అదేంటి పట్టాలపై మనుషులు ఉంటేనే పట్టించుకోకుండా రైలు దూసుకుపోతూ ఉంటుంది. అలాంటిది ఏకంగా ఒక పక్షిని చూసి లోకో పైలట్ బ్రేక్ వేసి రైలు ఆపేయడమేంటి అనుకుంటున్నారు కదా..
పట్టాలపై హంస ఉండడంతో చివరికి రైలు ఆగిపోయింది. నమ్మశక్యం కాని ఈ ఘటన లండన్ లో జరిగింది. పట్టాలపై హంస సంచరిస్తూ ఉండడంతో సుమారు 15 నిమిషాల పాటు రైలు నిలిచిపోయింది. దీంతో ఆ రూట్ లో వెళ్లాల్సిన మిగతా రైళ్లకు కూడా అంతరాయం ఏర్పడింది అని చెప్పాలి. ఇక ఇందుకు సంబంధించిన ఫోటోలు వీడియోలు సోషల్ మీడియాలో వైరల్ గా మారిపోయాయి. లండన్ చట్టాల ప్రకారం హంసలను రాజ కుటుంబ సంపదగా భావిస్తూ ఉంటారట. అందుకే హంసలకు ఏదైనా హాని తలపెడితే.. అది చట్ట ప్రకారం నేరం కిందికి వస్తుంది. అందుకే లోకో పైలట్ సైతం ఇది గ్రహించి వెంటనే హంస పట్టాల మీదికి రావడంతో రైలు ఆపేసాడు అన్నది తెలుస్తోంది.
