రాబోయే భవానీపూర్ ఉప ఎన్నికల్లో పశ్చిమ బెంగాల్ ముఖ్యమంత్రి మమతా బెనర్జీ తృణమూల్ కాంగ్రెస్ (TMC) తరపున పోటీ చేయబోతున్నారు, సెప్టెంబర్ 30 న జరిగే ఉప ఎన్నికల్లో, బెనర్జీ ముందు ప్రియాంక టిబ్రేవాల్‌ని బిజెపి నిలబెట్టింది. మమతా బెనర్జీ నిన్న భవానీపూర్ నుంచి నామినేషన్ దాఖలు చేశారు, మమతా బెనర్జీ అఫిడవిట్ ప్రకారం ఆమె వద్ద కేవలం రూ .69,255 నగదు మాత్రమే ఉంది. నందిగ్రామ్ అసెంబ్లీ ఎన్నికలకు ముందు పశ్చిమ బెంగాల్ ముఖ్యమంత్రి మమతా బెనర్జీ ఈ అఫిడవిట్ నింపారు. దీనిలో, ఆమె తన బ్యాంకు ఖాతాలలో ఒకదానిలో రూ .12,02,356 డిపాజిట్‌లను చూపించారు. అలాగే మొత్తం బ్యాంక్ బ్యాలెన్స్ రూ .13,53,356 గా చూపబడింది. మమతా బెనర్జీకి నేషనల్ సేవింగ్ సర్టిఫికెట్‌గా రూ .18,490 ఉంది. మరోవైపు, ఆభరణాల గురించి మాట్లాడితే, 9 గ్రాముల ఆభరణాలు ఉన్నాయట, దీని మార్కెట్ ధర రూ. 43,837. ఇక పశ్చిమ బెంగాల్ అసెంబ్లీ ఎన్నికల్లో, మమతా బెనర్జీ నందిగ్రామ్ స్థానం నుంచి ఓడిపోయారు, ఆ తర్వాత ఆమె ఆరు నెలల్లో అసెంబ్లీకి చేరుకోవాల్సిన అవసరం ఏర్పడింది. మే 2న జరిగిన బెంగాల్ అసెంబ్లీ ఎన్నికల ఫలితాలలో, సువేందు అధికారి మమతా బెనర్జీని గట్టి పోటీలో ఓడించారు. దీని తరువాత, ఆమె ఈసారి భవానీపూర్‌లో జరిగే ఉప ఎన్నికల్లో పార్టీ తరపున పోటీ చేస్తున్నారు. మమతా బెనర్జీ మీద బిజెపి తరపున పోరాడుతున్న ప్రియాంక టిబ్రేవాల్ వృత్తిరీత్యా న్యాయవాది మరియు బీజేపీ యువమోర్చా ఉపాధ్యక్షురాలు కూడా. ఆమె 2014 సంవత్సరంలో పార్టీలో చేరారు మరియు ఎంపీ బాబుల్ సుప్రియోకు న్యాయ సలహాదారుగా కూడా ఉన్నారు. భవానీపూర్ ఉప ఎన్నిక కోసం స్టార్ క్యాంపెయినర్ల జాబితాను కూడా బిజెపి విడుదల చేసింది, ఇందులో కేంద్ర మంత్రులు స్మృతి ఇరానీ మరియు హర్దీప్ పూరి పేర్లు కూడా ఉన్నాయి.
