ఓవైపు ఎముకలు కొరికే చలిలో కూడా అటు ఇరుదేశాల సైనికులు చలిని తట్టుకుంటూ పహారా కాస్తూనే ఉన్నారు. అయితే భారత్ చైనా సరిహద్దు లో ఇటీవల రష్యా మధ్యవర్తిత్వం వహించడం తో ఒప్పందం కుదిరింది అని గత కొన్ని రోజుల నుంచి భారత్లోని పలు మీడియా సంస్థలు ప్రొజెక్ట్ చేసిన విషయం తెలిసిందే. ఇరుదేశాలు క్రమక్రమంగా వెనక్కి వెళ్లేందుకు ఇరు దేశాల మధ్య ఒప్పందం కుదిరింది అంటూ ప్రచారం కూడా జోరందుకుంది. కానీ సరిహద్దుల్లో మాత్రం ఎక్కడా ఇరుదేశాల సైన్యాన్ని వెనక్కి వెళ్ళకపోవడంతో అందరూ ఆశ్చర్యపోయారు.
కాగా ప్రస్తుతం సరిహద్దుల్లో జరుగుతున్న పరిణామాలను చూస్తూ ఉంటే ఇన్ని రోజుల వరకు ఒప్పందం కుదిరింది అని జరిగిన ప్రచారం మొత్తం ఫేక్ అన్నది తేలిందట. ఇరు దేశాల మధ్య ఎలాంటి ఒప్పందం జరగలేదని.. అంతేకాకుండా రోజురోజుకూ సరిహద్దుల్లో మోహరింపులు పెరిగిపోతున్నాయి అన్నది అర్ధమవుతుంది. గడ్డకట్టుకుపోయే చలిలో పహారా కాస్తున్న సైనికులకు మరిన్ని సదుపాయాలు కల్పించేందుకు భారత ప్రభుత్వం సిద్ధమవుతుండటం చూస్తుంటే సరిహద్దుల్లో ఇప్పట్లో వివాదం సద్దుమణిగేలా కనిపించడం లేదు అన్నది మాత్రం స్పష్టంగా అర్థమవుతోందని విశ్లేషకులు అంటున్నారు.