తెలుగు సినిమా ఇండస్ట్రీ లోకి ఎంట్రీ ఇచ్చిన మొదటి మూవీ స్వాతి ముత్యం తో మంచి గుర్తింపును సంపాదించుకున్న యువ హీరోలలో ఒకరు అయినటు వంటి బెల్లంకొండ గణేష్ గురించి ప్రత్యేకంగా తెలుగు సినీ ప్రేమికులకు పరిచయం చేయాల్సిన అవసరం లేదు. ఈ హీరో స్వాతి ముత్యం మూవీ లో తన నటన తో ప్రేక్షకులను భాగానే ఆకట్టుకున్నాడు. ఈ మూవీ థియేటర్ లలో మంచి విజయం అందుకుంది. అలాగే ఆ తర్వాత "ఓ టి టి" ఫ్లాట్ ఫామ్ లో కూడా ఈ మూవీ కి ప్రేక్షకుల నుండి మంచి రెస్పాన్స్ లభించింది. 

ఇలా స్వాతి ముత్యం మూవీ తో తనకంటూ తెలుగు సినిమా ఇండస్ట్రీ లో మంచి గుర్తింపును సంపాదించుకున్న ఈ యువ హీరో తాజాగా నేను స్టూడెంట్ సర్ అనే యూత్ ఫుల్ ఎంటర్టైనర్ మూవీ లో హీరో గా నటించాడు. ఈ మూవీ లో సముద్ర ఖని ఒక కీలకమైన పాత్రలో కనిపించనుండగా ... నంది సతీష్ వర్మ ఈ మూవీnని నిర్మించాడు. రాఖీ ఉప్పలపాటి ఈ మూవీ కి దర్శకత్వం వహించాడు. ఈ సినిమాను జూన్ 2 వ తేదీన థియేటర్ లలో విడుదల చేయనున్నారు. ఈ మూవీ విడుదల తేదీ దగ్గర పడడంతో ఇప్పటికే ఈ సినిమా నుండి కొన్ని ప్రచార చిత్రాలను ఈ మూవీ బృందం విడుదల చేయగా వాటికి ప్రేక్షకుల నుండి మంచి రెస్పాన్స్ లభించింది.

ఇది ఇలా ఉంటే తాజాగా ఈ మూవీ బృందం ఈ సినిమాకు సంబంధించిన మరో కీలక అప్డేట్ ను ప్రకటించింది. ఈ మూవీ లోని "రన్ రన్" అంటూ సాగే లిరికల్ సాంగ్ ను రేపు సాయంత్రం 5 గంటలకు విడుదల చేయనున్నట్లు ఈ మూవీ బృందం తాజాగా అధికారికంగా ప్రకటిస్తూ ఒక పోస్టర్ ను కూడా విడుదల చేసింది. ఈ మూవీ బృందం విడుదల చేసిన ఈ పోస్టర్ లో గణేష్ పరిగెడుతూ ఉన్నాడు. ప్రస్తుతం ఈ పోస్టర్ సోషల్ మీడియాలో ఫుల్ వైరల్ అవుతుంది. ఈ మూవీ తో గణేష్ ఏ రేంజ్ విజయాన్ని అందుకుంటాడో తెలియాలి అంటే జూన్ 2 వ తేదీ వరకు వేచి చూడాల్సిందే.

మరింత సమాచారం తెలుసుకోండి:

Ganesh

Pulgam Srinivas

31/05/2023 05:00 AM