అయితే ‘ఎ సూటబుల్ బాయ్' సిరీస్లో కొన్ని సన్నివేశాలు ఇప్పుడు వివాదంలో ఇరుక్కుపోయాయి. అందులో హీరోయిన్ తన ముస్లిం లవర్తో హిందూ ఆలయంలో రొమాన్స్ చేస్తున్నట్లుగా కొన్ని సన్నివేశాలు చిత్రీకరించారు. దీనిపై బీజేపీ నేత గౌరవ్ గోయల్ తీవ్ర విమర్శలు చేశారు. ఈ సన్నివేశాలను వెంటనే తొలగించకపోతే మర్యాదగా ఉండదని వార్నింగ్ ఇచ్చాడు. అంతేకాదు నెట్ ఫ్లిక్స్తో పాటు ఈ సిరీస్ దర్శక నిర్మాత మీరా నాయర్పై కూడా చర్యలు తీసుకోవాలని రేవా పోలీస్ స్టేషన్లో ఫిర్యాదు చేశాడు గౌరవ్. ఎఫ్ఐఆర్ కాపీతో పాటు తన మొబైల్ నుంచి నెట్ ఫ్లిక్స్ యాప్ను తొలగిస్తూ 'బాయికాట్ నెట్ ఫ్లిక్స్' హ్యాష్ ట్యాగ్తో ఓ పోస్టు చేసాడు ఈయన.
ఇప్పుడు ఈ విషయం వైరల్ గా మారింది. దీంతో ఆ రాష్ట్ర ఎంపీ నరోత్తం మిశ్రా కూడా స్పందించారు. ఈ సీన్లను పరిశీలించాలని.. అవి అభ్యంతరకరంగా ఉన్నట్లయితే వెంటనే నెట్ ఫ్లిక్స్తో పాటు సిరీస్ వెబ్ సిరీస్ మేకర్స్పై కూడా చర్యలు తీసుకుంటామని తెలిపాడు. గతేడాది సెట్స్పైకి వెళ్ళిన ఈ సిరీస్ షూటింగ్ ఎక్కువ భాగం లక్నో నగరంలోని రాజభవనాలతో పాటు మధ్యప్రదేశ్ మహేశ్వరం ప్రాంతాల్లో చిత్రీకరించారు. ఇందులో టబు, ఇషాన్ ఖట్టర్ మధ్య వచ్చే ఇంటిమేట్ సన్నివేశాలు కూడా వివాదానికి దారి తీశాయి.