ఆరు నెలల పాటు ఆర్.ఆర్.ఆర్ యూనిట్ ఎలాంటి పనీ లేకుండా ఖాళీగా కూర్చోవాల్సి వచ్చింది. ఎట్టకేలకు ఇప్పుడు ఈ సినిమా షూటింగ్ తిరిగి ప్రారంభమైంది. గత అక్టోబరులో షూటింగ్ పున:ప్రారంభించి విరామం లేకుండా చిత్రీకరణ సాగిస్తున్నారు. ఇప్పటికే ఆర్.ఆర్.ఆర్ షూటింగ్ క్లైమాక్స్ కు చేరుకుందని.. 2021లోనే ఈ సినిమా రిలీజ్ ఉంటుందని చెపుతున్నారు. వాస్తవానికి రాజమౌళి ప్రతి సీన్ విషయంలో చాలా టైమ్ తీసుకుంటారు. ఈ క్రమంలోనే ఆర్.ఆర్.ఆర్ రిలీజ్ ఈ యేడాది ఉండక పోవచ్చని 2022 సంక్రాంతికే ఉంటుందని అందరూ అనుకున్నారు.
అయితే ఊహించని విధంగా రాజమౌళి అప్పుడే క్లైమాక్స్ షూటింగ్ జరుగుతుందని చెప్పడంతో ఈ మోస్ట్ అవైటెడ్ సినిమా ఈ యేడాదే రిలీజ్ అవుతుందన్న ఆశలతో ఉన్నారు. ఏదైనా మరో ఆపత్కర పరిస్థితి వస్తే తప్పా ఆర్ ఆర్ ఆర్ను ఈ యేడాదే థియేటర్లలో వీక్షించవచ్చు. ఏదేమైనా ఆర్.ఆర్.ఆర్ కోసం రెండు సంవత్సరాలుగా ఎన్నో ఆశలతో ఉన్న వాళ్లకు రాజమౌళి క్లైమాక్స్ స్టార్ట్ అయ్యిందని చేసిన ప్రకటనతో కొత్త ఆశలు మొదలయ్యాయి. మరి కోట్లాది మంది ప్రేక్షకుల కలను రాజమౌళి 2021లోనే తీరుస్తాడేమో ? చూడాలి.