ఇదే సమయంలో సినీ పరిశ్రమపై జగన్ సర్కార్ వ్యవహరిస్తున్న విధానంపై జనసేన పార్టీ అధినేత, పవన్ స్టార్ పవన్ కల్యాణ్ ఘాటుగా స్పందించారు. వకీల్ సాబ్ సినిమాలో నేను హీరోగా ఉన్నా కాబట్టే.. ఆ సినిమాపై ఎన్నో ఆంక్షలు పెట్టారన్న పవన్... అదే వేరే హీరో ఎవరైనా ఉంటే... ఇప్పటికే ఆంధ్రప్రదేశ్ రాష్ట్రంలో అన్ని సినిమా హాళ్లు యధావిధిగా తెరుచుకునే వన్నారు. ఓ వైపు తెలంగాణలో అన్ని హాళ్లు నడుస్తుంటే... ఆంధ్రప్రదేశ్ రాష్ట్రంలో ఆంక్షలు ఎందుకూ అని ప్రశ్నించారు. నాపై కోపం ఉంటే... నా సినిమాలు ఆపండి... మిగిలిన సినిమాలకు అనుమతివ్వండి అంటూ ప్రభుత్వంపై తనదైన శైలిలో సెటైర్లు వేశారు పవన్ కల్యాణ్. పరిశ్రమలోని పెద్దలందరూ కలిసి సమస్యలపై మాట్లాడాలని సూచించారు. ఇప్పుడు ఇదే హాట్ టాపిక్‌గా మారింది. మరి ఇన్నిసార్లు చిరంజీవి అండ్ కో జగన్‌తో కలిసి ఏ విషయం మాట్లాడుతుందని అందరు గుసగుసలాడుతున్నారు. పరిశ్రమ సమస్యలపై కాకుండా... సొంత లాభం కోసం జగన్ను కలుస్తున్నారా అనే విమర్శలు కూడా వెల్లువెత్తుతున్నాయి.
