ఈ క్రమంలోనే చటేశ్వర్ పూజార ఐపీఎల్లోకి కూడా వచ్చేస్తాడా అనే అనుమానాలు అందరిలో వచ్చాయి. కాగా డిసెంబర్ 23వ తేదీన వచ్చే ఐపీఎల్ సీజన్ కోసం వేలం జరగబోతుంది. అయితే పూజార మాత్రం తన పేరును నమోదు చేసుకోలేదు. కాగా 2014 సీజన్లో మొదటిసారి అతనికి ఆడే అవకాశం లభించింది. ఇక అప్పటి నుంచి టి20 లీగ్ లో ఏ ఫ్రాంచైజీ అతన్ని కొనుగోలు చేసేందుకు అవకాశం రాలేదు. ఇదే విషయంపై స్పందించిన టీమిండియా సీనియర్ బ్యాట్స్మెన్ దినేష్ కార్తీక్ ఆసక్తికర వ్యాఖ్యలు చేశాడు. భారత టి20 లీగ్ ఆడటం గురించి పూజార ఆలోచించడం లేదు అంటూ దినేష్ కార్తీక్ వ్యాఖ్యానించాడు.
నిజానికి చటేశ్వర పూజార టి20 లీగ్ లో ఆడతాడని నేను అనుకోవడం లేదు. ఎందుకంటే అతను కొంతకాలం పాటు ఇక భారత టి20 లీగ్ లో భాగం కావాలని ఎంతగానో ప్రయత్నించాడు. కానీ ఆ తర్వాత తనకు టి20 ఫార్మట్ సరిపడదు అన్న విషయాన్ని తెలుసుకొని.. ఇక ఆ ఆశలు వదిలేసాడు. గత వేసవిలో ఒకవైపు ఐపీఎల్ జరుగుతుంటే.. అతను మాత్రం ఎక్కువగా ఇంగ్లాండులోనే గడిపాడు. అక్కడ అతడు తన నైపుణ్యాలకు పదును పెట్టుకున్నాడు. ఎక్కడైతే అతను ఆటను ఎంజాయ్ చేస్తాడో.. అలాగే అభిమానులు కూడా ఆనందిస్తారు. అందుకోసమే అతను ఆడుతున్నాడు. ఇవన్నీ చటేశ్వర్ పూజరాకు బాగా తెలుసు. ఐపీఎల్ అతనికి సరైంది కాదు అంటూ దినేష్ కార్తీక్ వెల్లడించాడు..