'సలార్'..'ప్రాజెక్ట్ -కె'..'స్పిరిట్' లాంటి భారీ బడ్జెట్ యూనివర్శల్ సబ్జెక్స్ట్ తో ముందుకెళ్తున్నాడు యంగ్ రెబల్ స్టార్ ప్రభాస్. అలాంటిది రోట్ట డైరెక్టర్ మారుతితో ప్రభాస్ కమిట్ మెంట్ ఫ్యాన్స్ తో పాటు అందర్నీ సర్ ప్రైజ్ చేసింది.ఇద్దరి కాంబినేషన్ లో ఓ హారర్ కామెడీ ఎంటర్ టైనర్ తెరకెక్కుతన్నట్లు ఆల్రెడీ టీం రివీల్ చేసారు. అయితే ఈ విషయంలో ప్రభాస్ అభిమానులు కాస్తంత అసంతృప్తిగానే కనిపిస్తున్నారు. పాన్ ఇండియా స్టార్ మారుతితో సినిమా చేయడం కరెక్టేనా? అంటూ సందేహాలు వ్యక్తం చేస్తున్నారు. సోషల్ మీడియాలో దీనిపై పెద్ద ఎత్తున చర్చ..రచ్చ నడుస్తోంది.అయినా వీటిని ఏమాత్రం పట్టించుకోకుండా ప్రభాస్ ప్రాజెక్ట్ ని మూవ్ చేస్తున్నారు. రాజా డీలక్స్ టైటిల్ తో తెరకెక్కిస్తున్నారు. ఇప్పటికే తాత-మనవల కథని ఓ థియేటర్ నేపథ్యంతో సాగే స్టోరీ అని వినిపిస్తుంది. ఇదే అంశాన్ని మారుతి మార్క్ కామెడీ ఎంటర్ టైనర్ గా మలుస్తున్నట్లు తెలుస్తోంది. అయితే తాత-మనవడు రెండు పాత్రల్లోనూ డార్లింగ్ ప్రభాస్ కనిపించనున్నాడని సమాచారం తెలుస్తోంది.


ఒక పాత్ర పాడు బడిన థియేటర్ వారసుడిది అయితే..మరో పాత్రలో ప్లాష్ బ్యాక్ ఎపిసోడ్ లో వచ్చే తాత పాత్ర అని సమాచారం తెలుస్తుంది. అయితే ఈ రెండు పాత్రల కోసం మారుతి ఏకంగా హాలీవుడ్ మేకప్ ఆర్టిస్టుల్నే రంగంలోకి దించుతున్నారుట. అందులోనూ హాలీవుడ్ బేస్డ్ స్పెషల్ ఎఫెక్ట్ మేకప్ టీమ్ ని తీసుకొస్తున్నారుట. రెండు పాత్రలకు సంబంధించి ముందుగా మేకప్ టెస్ట్ షూట్ చేస్తారట.తాత పాత్రల్లో డార్లింగ్ ఒకే అనిపించగల్గితే కంటున్యూ చేస్తారుట. లేదంటే ఆ పాత్రకి వేరే నటుడ్ని తీసుకునే ఆలోచనలో ఉన్నట్లు తెలుస్తోంది. తాత పాత్ర కి ఛాయిస్ గా సీనియర్ నటుడు కృష్ణంరాజు మారుతి దృష్టిలో ఉన్నట్లు సమాచారం. ఇదే నిజమైతే డార్లింగ్ కోసం హాలీవుడ్ మేకప్ ఆర్టిస్టుల్ని దించడం మూడవసారి అవతుంది. అప్పట్లో బాహుబలి కోసం...ఆ తర్వాత సాహో సినిమా కోసం ఇంగ్లీష్ మేకప్ ఆర్టిస్టుల్నే తీసుకొచ్చిన సంగతి తెలిసిందే.

మరింత సమాచారం తెలుసుకోండి:

Purushottham Vinay

31/08/2022 06:28 PM