దీనికి ప్ర‌ధాన కారణం రాజ‌మౌళి ఆర్ఆర్ఆర్ చిత్రం పూర్తి కావ‌డానికి ఎక్కువ సమయం తీసుకోవ‌డ‌మే. అంత‌కుముందు కూడా రాజ‌మౌళి బాహుబ‌లి సిరీస్‌ చిత్రా‌ల‌కు సంవ‌త్స‌రాల త‌ర‌బ‌డి కేటాయించాల్సి రావ‌డంతో ఈ కాంబో వాయిదా ప‌డుతూ వ‌చ్చింది. బాహుబ‌లి చిత్రం ప్ర‌పంచ‌వ్యాప్త సంచలన విజ‌యం త‌రువాత జ‌క్క‌న్న ఇండియ‌న్ ఫిల్మ్ ఇండ‌స్ట్రీలోనే క్రేజీ డైరెక్ట‌ర్‌గా మారిపోయాడు. మ‌రోప‌క్క మహేష్ కూడా శ్రీమంతుడు, భ‌ర‌త్ అను నేను, స‌రిలేరు నీకెవ్వ‌రు వంటి బ్లాక్ బ‌స్ట‌ర్ విజ‌యాల‌తో తెలుగునాట తిరుగులేని సూప‌ర్ స్టార్‌గా ఎదిగాడు. ఇప్పుడు వీరిద్ద‌రి కాంబోలో వ‌చ్చే చిత్ర‌మంటే అది ఏం రేంజ్‌లో తెర‌కెక్కుతుందో ఊహించుకోవాల్సిందే. ఈ నేప‌థ్యంలోనే. `ఆర్ఆర్ఆర్` తర్వాత జ‌క్క‌న్న తెర‌కెక్కించ‌బోయే మహేష్ సినిమా కోసం అభిమానులు మాత్ర‌మే కాదు.. సినీ ప్రియులు కూడా ఆసక్తిగా ఎదురు చూస్తున్నారు. కాగా ఈ చిత్రం ఎలాంటి క‌థ‌తో రూపుదిద్దుకోనుంద‌నే విష‌యంపై ప‌లు క‌థ‌నాలు వినిపిస్తున్నాయి. గ‌తంలో టాలీవుడ్ సూప‌ర్ స్టార్ కృష్ణ జేమ్మ్‌బాండ్ త‌ర‌హా చిత్రాల‌ను తెలుగు తెర‌కు ప‌రిచ‌యం చేసిన విష‌యం తెలిసిందే. ఇప్పుడు ఆయన వార‌సుడిగా వెలుగొందుతున్న మహేష్ కూడా రాజ‌మౌళి చిత్రంలో బాండ్ త‌ర‌హా పాత్ర‌లోనే న‌టించ‌వ‌చ్చంటూ వార్తలు వస్తున్నాయి. అయితే గ‌తంలో రాజ‌మౌళి ఇచ్చిన ఓ ఇంటర్వ్యూలో ఈ అంశంపై మాట్లాడుతూ `మహేష్‌తో సినిమా ఎలా ఉంటుందనేది నాకు కూడా తెలీదు. మహేష్‌తో కూడా కథ గురించి చర్చ జరగలేదు. మహేష్ ఇమేజ్‌కు అనుగుణంగా, నా అభిరుచికి తగినట్టుగా ఆ సినిమా ఉంటుంద‌ని స్పష్టం చేశాడు. అంతేకాదు. `ఆర్ఆర్ఆర్` తర్వాత కొంత‌కాలం గ్యాప్ తీసుకున్న తర్వాత ఈ ప్రాజెక్టు మొదలు పెడ‌తాన‌ని స్పష్టం చేశాడు. అంటే ఈ సూప‌ర్ కాంబో కోసం సినీప్రియులు ఇంకా కొంత‌కాలం ఆగ‌క త‌ప్ప‌ద‌న్న‌మాట.
