ప్రశాంత్ నీల్ దర్శకత్వంలో సలార్ చిత్రాన్ని ఇప్పటికే సగానికి పైగా షూటింగ్ పూర్తి చేసిన ప్రభాస్ వేసవిలో ఈ చిత్రాన్ని విడుదల చేస్తామని ప్రకటించి అభిమానులను చాలా సంతోషం లో ఉంచాడు. అలాగే ఈ సినిమా తో పాటు బాలీవుడ్ లో ఆయన హీరోగా ఎంట్రీ ఇస్తున్న ఆదిపురుష్ చిత్రాన్ని కూడా చేసి షూటింగ్ మొదలు పెట్టాడు. రామాయణం ఆధారంగా తెరకెక్కుతున్న ఈ సినిమా ప్రభాస్ రాముడిగా నటిస్తూండగా రావణాసురుడిగా సైఫ్ అలీఖాన్ నటిస్తుండడం ఈ సినిమా పట్ల భారీ స్థాయిలో ఉండటానికి ముఖ్య కారణం. దాదాపు పూర్తి స్థాయికి రావడం తో మరో రెండు సినిమాలు కూడా ఇప్పుడు పట్టాలు ఎక్కించేశాడు ప్రభాస్.
నాగ్ అశ్విన్ దర్శకత్వంలో తెరకెక్కబోయే ప్రాజెక్టు కే సినిమాను త్వరలోనే పెట్టనున్నాడు. అలాగే సందీప్ వంగా దర్శకత్వంలో చేయబోయే స్పిరిట్ అనే చిత్రాన్ని కూడా మొదలు పెట్టనున్నారు ప్రభాస్. ఈ నేపథ్యంలో ఆయన ఓ బాలీవుడ్ సినిమాను ఈ రెండు చిత్రాల కంటే ముందే చేయాలని భావిస్తున్నాడట. నాగ్ అశ్విన్ దర్శకత్వంలో చేయబోయే సినిమా కంటే ముందే ఆయన ఈ సినిమా ను మొదలుపెట్టాలని చూస్తున్నాడు. దాంతో ఆ సినిమా తర్వాత తమ సినిమాలు ఉన్నాయని భావిస్తున్నారు దానికి తగ్గట్లుగానే ప్లాన్ చేసుకుంటున్నారు మేకర్స్. మరి ప్రభాస్ సడన్ గా ఈ నిర్ణయం తీసుకోవడం వెనుక కారణం ఏమై ఉంటుందో తెలియదు కానీ హఠాత్తుగా ఓ కొత్త సినిమా ను ముందుకు తీసుకురావడం ప్రభాస్ అభిమానులను ఆశ్చర్య పరుస్తోంది.