ఛలో సినిమాతో తెలుగు తెరకు తెరంగేట్రం చేసిన రష్మిక మందాన ప్రస్తుతం టాలీవుడ్ ను ఏలేస్థాయికి చేరుకుంది. మొదటి సినిమాతోనే మంచి హిట్ ను అందుకుని కుర్రకారు గుండెల్లో స్థానం పొందిన ఈ బ్యూటీకి తిరుగులేకుండా పోయింది. వరుస సినిమాల్లో నటించి ఘన విజయాలను తన ఖాతాలో వేసుకుంటూ ఉంది. విజయ్ దేవరకొండ సరసన గీతా గోవిందం సినిమాతో తెలుగు ప్రేక్షకులకు మరింత చేరువైంది ఈ చిన్నది. ఆ తర్వాత నాగార్జున, నానిల కాంబోలో వచ్చిన ‘దేవదాసు’ సినిమాలో నటించి అందరినీ మెప్పించింది. ఇక గతేడాది సంక్రాంతి కానుకగా వచ్చిన  ప్రిన్స్ మహేశ్ బాబు, అనిల్ రావుపూడి కాంబినేషన్ లో వచ్చిన‘సిరిలేరు నీకెవ్వరు’ సినిమాలో రష్మిక నటించి సూపర్ డూపర్ హిట్ ను అందుకుంది. అదే ఏడాది యంగ్ హీరో నితిన్ సరసన‘భీష్మ’సినిమాలో కూడా నటించింది. ఈ సినిమా కూడా మాంచి హిట్ ను అందుకుంది. దీంతో ఈ బ్యూటీ 2020 లో ది లక్కీ యెస్ట్ బ్యూటీగా పేరు కూడా తెచ్చుకుంది.
 2020 ఎవరికీ కలిసి రాకపోయినా రష్మిక కు మాత్రం బాగానే కలిసొచ్చింది. దాంతో ఈ బ్యూటీకి ఆఫర్ల మీద ఆఫర్లు వచ్చిపడుతున్నాయి. ప్రస్తుతం ఈ చిన్నదానికి చేతినిండా సినిమాలున్నాయి. అల్లు అర్జున్ సరసన ‘పుష్ప’ సినిమాలో కథానాయికగా రష్మిక అవకాశాన్ని దక్కించుకుంది. దీంతో పాటుగా పలు క్రేజీ ప్రాజెక్టులు కూడా ఈ అమ్మడు చేతిలో ఉన్నాయి. తెలుగుతో పాటుగా కన్నడలోనూ రష్మిక దూసుకెళుతోంది. తాజాగా ఈ బ్యూటీ బాలీవుడ్ లో కూడా ఛాన్స్ కొట్టేసిన సంగతి తెలిసిందే. మల్హోత్రా హీరోగా వస్తున్న‘మిషన్ మజ్ను’ సినిమాలో రష్మిక కథానాయికగా నటిస్తోంది. ముద్దు ముద్దు మాటలతో, సన్నని నడుము వొంపుతో కుర్రకారును కట్టిపడేసిన ఈ రష్మిక మందనకు గూగుల్ ఎప్పటికీ మర్చిపోలేని గుర్తింపును తెచ్చిపెట్టింది.

2020 గూగుల్ ఏడాదికి గాను‘నేషనల్ క్రష్ ఆఫ్ ఇండియా’ గా రష్మిక ఎంపికైంది. ఈ బ్యూటీ వివిధ రకాల భాషల్లో నటించకపోయినా ఈ గుర్తింపును మాత్రం బాగానే సంపాదించింది. కాగా ఈ చిన్నది నటించిన డియర్ కామ్రేడ్, భీష్మ, గీత గోవిందం,  సరిలేరు నీ కెవ్వరు సినిమాలు హిందీ, తమిళ భాషల్లో రిలీజ్ అయ్యాయి. అందుకే ఈ బ్యూటీకి ఈ గుర్తింపు వచ్చిందని అనుకుంటున్నారు. అయితే ఈ గుర్తింపు ఇప్పటి వరకు పొందిన వారిలో దిశా పటానీ, ప్రియా ప్రకాశ్ వారియర్, మానుషి చిల్లర్ లే ఉన్నారు. ఈ లీస్ట్ లోనే రష్మిక మందాన కూడా చేరిపోయింది.  దీనితో మరింత గుర్తింపును తెచ్చుకునేందుకు రష్మిక అక్కడ ప్రసారమయ్యే కొన్ని రియాల్టీ షోలోనూ పాల్గొంటోంది. దీంట్లో భాగంగా ఈ చిన్నది తాజాగా పంజాబీ రాప్ సాంగ్ ‘టక్కర్’లో కూడా నటించింది. ఈ విషయాన్ని రష్మిక సోషల్ మీడియా ద్వారా తానే స్వయంగా వెళ్లడించింది.