ఈ సినిమా యొక్క బ్రేక్ ఈవెన్ టార్గెట్ 14.5 కోట్లు కాగా ఇప్పటి వరకు 3.5 కోట్ల లాభాలను ఆర్జించింది. ఇంకొన్ని రోజుల వరకు పెద్ద సినిమాలేవీ లేకపోవడంతో ఈ సినిమా వసూళ్లు ఇంకా పెరిగే అవకాశం ఉంది. ఇకపోతే ఈ సినిమాను మలయాళంలో కూడ విడుదలచేస్తున్న సంగతి తెలిసిందే. అయితే సినిమాను అక్కడ కూడా భారీగానే రిలీజ్ చేయాలని అని భావిస్తోంది చిత్ర బృందం. సుమారు 104 థియేటర్లలో సినిమా రిలీజ్ కానుంది. రామ్ కెరీర్ లో ఇదే అతి పెద్ద మలయాళ రిలీజ్.
అయితే రామ్ సినిమాలు గతంలో కూడా మలయాళంలో డబ్బింగ్ కావడంతో ఈ సినిమాను కాస్త గ్రాండ్ గా విడుదల చేస్తున్నారని సమాచారం. ఇక ఈ సినిమా అక్కడ కూడ విజయవంతం అయితే రామ్ కు మలయాళంలో కూడ మంచి మార్కెట్ క్రియేట్ అయ్యే అవకాశం ఉంది. ఇప్పటివరకు మలయాళంలో స్టైలిష్ స్టార్ అల్లు అర్జున్ కు అక్కడి స్టార్ హీరోలకు ధీటుగా మంచి ఫ్యాన్ ఫాలోయింగ్ తో సాలిడ్ మార్కెట్ ఉంది. ఆ తర్వాత జూనియర్ ఎన్టీఆర్ కి కాస్త చెప్పుకోదగ్గ మార్కెట్ వుంది. మరి ఎనర్జిటిక్ స్టార్ రామ్ "రెడ్" సినిమాతో వారి పక్కన చేరతాడేమో చూడాలి.