సాధారణంగా ఎవరైనా డైరెక్టర్కు ఓ మంచి హిట్ పడిందంటే.. ఆ సినిమా డైరెక్టర్కు వరుస ఆఫర్లు వస్తాయి. ప్రస్తుతం టాలీవుడ్లోనూ అలాంటి యువ డైరెక్టర్లు చాలా మందే ఉన్నారు. వారిలో ఒకరు వెంకీ కుడుముల. ఛలో, భీష్మ వంటి సినిమాలతో వరుస హిట్లు అందుకున్న వెంకీకి ఇప్పుడు స్టార్ హీరోల నుంచి కూడా పిలుపు వస్తున్నట్లు తెలుస్తోంది. అందులో భాగంగానే అక్కినేని హీరో కూడా వెంకీపై ఆసక్తి చూపిస్తున్నాడట.
ఇదిలా ఉంటే 'మజిలీ' 'వెంకీమామ' వంటి వరుస హిట్ సినిమాలతో జోష్లో ఉన్నాడు. అలాగే ఈ మధ్య స్పీడ్ పెంచిన చైతూ.. ఇప్పటికే 'లవ్ స్టోరీ' చిత్రాన్ని పూర్తి చేశాడు. శేఖర్ కమ్ముల దర్శకత్వం వహించిన లవ్ స్టోరీ సినిమాని వెంకటేశ్వర సినిమాస్, అమిగోస్ క్రియేషన్స్ సంస్థలు సంయుక్తంగా నిర్మించాయి. కరోనా సెకండ్ వేవ్ నేపథ్యంలో ఈ సినిమా వాయిదా పడింది. కే కుమార్ దర్శకత్వంలో తెరకెక్కుతున్న థాంక్యూ కూడా చివరి దశలో ఉంది. ఈ మూవీని శ్రీ వెంకటేశ్వర క్రియేషన్స్ బ్యానర్ పై దిల్ రాజు, శిరీష్, హర్షిత్ రెడ్డి సంయుక్తంగా నిర్మిస్తున్నారు.