కర్ణాటక దావణగిరిలోని ఓ ప్రైవేటు ల్యాబ్ చేసిన నిర్వాకం నవజాత శిశువు మృతికి కారణమైంది. శిశువు తల్లికి కరోనా పాజిటివ్ అని తప్పుడు నివేదిక ఇవ్వటమే ఇందుకు కారణం. కరోనా ఉందని శిశువు జన్మించాక తల్లి నుంచి వేరుగా ఉంచారు. శ్వాసకోశ ఇబ్బందితో చిగాతెరి ఆసుపత్రిలో 6 రోజుల తర్వాత ఆ శిశువు మృతి చెందింది.
ఓ ప్రైవేటు ల్యాబ్లో జూన్ 18న కరోనా పరీక్ష చేయించుకుంది ఆ గర్భిణీ. నివేదికల్లో పాజిటివ్గా రావటం వల్ల జిల్లా ఆసుపత్రిలో చేరింది. ప్రసవం జరిగిన తర్వాత శిశువును ఐసీయూలో ఉంచారు. ఆమె ఎలాంటి కంటైన్మెంట్ జోన్లో లేనందున మరోసారి బెంగళూరు ల్యాబ్లో పరీక్షించగా నెగటివ్గా వచ్చింది. అయితే అప్పటికే శిశువు మరణించింది.
ల్యాబ్ నిర్లక్ష్యంపై శిశువు తండ్రి ఆగ్రహం వ్యక్తం చేశారు. కనీసం బాలుడి ముఖాన్ని తల్లికి చూపించలేకపోయామని ఆవేదన చెందారు. తమకు న్యాయం జరగేలా చర్యలు తీసుకోవాలని ప్రభుత్వాన్ని డిమాండ్ చేశారు.
