ఆ విధంగా ఒక్కో సినిమా ద్వారా ఒక్కో విజయం సొంతం చేసుకుంటూ టాలీవుడ్ లో గోల్డెన్ లెగ్ హీరోయిన్ గా మంచి పేరు అందుకున్న సమంత. నాలుగేళ్ల క్రితం నాగ చైతన్య ని ప్రేమించి వివాహం చేసుకున్నారు. అయితే ఇటీవల కొన్ని కారణాల వలన ఆమె, చైతన్య నుండి విడిపోయారు. అయితే అప్పటి నుండి కొంత మానసికంగా వేదనతో గడిపిన సమంత ఇటీవల ఒక మీడియా ఛానల్ ఇంటర్వ్యూ లో భాగంగా మాట్లాడుతూ, విడాకులు అనేవి ఏ జంట కోరుకోదని, అయితే కొన్ని పరిస్థితుల కారణంగా తాను చైతన్య నుండి విడిపోవాల్సి వచ్చిందని, ఆ సమయంలో తనని అనేక మీడియాలోని తప్పుడు కథనాలు ఇబ్బంది పెట్టాయని, అయితే ఆ సమయంలో తన కుటుంబం సన్నిహితులు అందరూ కూడా తోడుండి తనకు తోడ్పాటు, ధైర్యం అందించారని, ఇటీవల పూర్తిగా ఆ డిప్రెషన్ నుండి బయటకు వచ్చిన తాను ఇకపై ధైర్యంగా తన కెరీర్ ని మరింత ప్లానింగ్ గా ముందుకు తీసుకెళ్లాలని ప్లాన్ చేస్తున్నారు తెలిపారు సమంత.
అయితే స్త్రీ గా విడాకుల అనంతరం ఎంతో వేదన అనుభవించిన సమంత, అనంతరం తన చుట్టూ ఉన్న నెగటివిటీని ఏమాత్రం లెక్క చేయకుండా ధైర్యంగా ముందుకు నడుస్తుండడం నిజంగా నేటి స్త్రీలందరికీ కూడా ఎంతో ఆదర్శం అని, ఆమె ధైర్యానికి హ్యాట్సాఫ్ అంటూ పలువురు ప్రేక్షకాభిమానులు సోషల్ మీడియా మాధ్యమాల్లో సమంతని ఉద్దేశించి కామెంట్స్ చేస్తున్నారు.