
సూర్య ఈమధ్య కమర్షియల్ సినిమాల కన్నా సామాజిక అంశాలు.. సోషల్ కాజ్ సినిమాలు చేస్తున్నారు. అయితే ఇప్పుడు ఆయన చేస్తున్న సినిమా మాత్రం పక్కా కమర్షియల్ సినిమాగా వస్తుంది. ప్రీ లుక్ పోస్టర్ తోనే సినిమాపై అంచనాలు పెంచిన ఈ సినిమాపై సూర్య చాలా నమ్మకంగా ఉన్నారు. శివ డైరెక్షన్ లో భారీ బడ్జెట్ తో ఈ సినిమా వస్తుంది. దాదాపు 200 కోట్ల భారీ బడ్జెట్ తో సినిమా తెరకెక్కిస్తున్నారని టాక్. సూర్య కెరీర్ లో హయ్యెస్ట్ బడ్జెట్ తో ఈ మూవీ వస్తుంది.
సూర్య మార్కెట్ గురించి మాట్లాడుకుంటే తమిళంలో సూపర్ హీరో అయిన సూర్య తెలుగులో కూడా మంచి మార్కెట్ కలిగి ఉన్నారు. సూర్య చేస్తున్న సినిమాలన్నీ తెలుగులో కూడా మంచి ఫలితాలు అందుకుంటున్నాయి. శివ సినిమాలో సూర్య తన నట విశ్వరూపం చూపించబోతున్నారని తెలుస్తుంది. ఈ సినిమా గురించి కోలీవుడ్ లో ఇంట్రెస్టింగ్ టాక్స్ నడుస్తున్నాయి. కోలీవుడ్ నుంచి రాబోతున్న మరో బాహుబలి అంటూ ఈ సినిమాపై అంచనాలు పెంచుతున్నారు. మణిరత్నం పిఎస్ 1 కి ధీటుగా ఈ సినిమా ఉండబోతుందని టాక్. మరి సూర్య సినిమా ఎలా ప్లాన్ చేస్తున్నారో ఆయన ఫ్యాన్స్ ఎగ్జైటింగ్ గా ఉన్నారు.