ఐదు నెలల క్రితం రామరాజు పాత్రలో
రామ్ చరణ్ను పరిచయం చేశారు. ఇప్పుడు కొమురం భీమ్గా ఎన్టీఆర్ను చూపించారు. ఈ రెండు టీజర్లు చూసిన ప్రేక్షకులు
రాజమౌళి ఎంపిక కరెక్ట్ అంటున్నారు. అంతేకాదు,
రామ్ చరణ్ -
ఎన్టీఆర్ పాత్రలను తీర్చిదిద్దిన తీరు చూసి
సినిమా బ్లాక్ బస్టర్ ఖాయం అనే భావనకు వస్తున్నారు. అయితే, అగ్రదర్శకుడిగా నీరాజనాలు అందుకుంటోన్న రాజమౌళిపై కాపీ క్యాట్ అంటూ బురద జల్లే ప్రయత్నాలు ‘మగధీర’ నుంచే మొదలయ్యాయి. ‘బాహుబలి’
సినిమా సమయంలోనూ ఇదే ప్రచారం జరిగింది. కానీ, ఆ
సినిమా సాధించిన విజయ ప్రవాహంలో ఈ విమర్శలు కొట్టుకుపోయాయి. ఇదిలా ఉంటే, ఇప్పుడు
rrr సినిమా విషయంలోనూ రాజమౌళిపై అప్పుడే విమర్శల దాడి మొదలైపోయింది. కొమురం
భీమ్ టీజర్లో అగ్నిపర్వతం బద్ధలైన సీన్ నేషనల్ జియోగ్రాఫిక్ ఛానెల్ నుంచి
రాజమౌళి కాపీ కొట్టేశారని కొంత మంది మేధావులు విమర్శిస్తున్నారు. ఈ రెండు సెకన్ల సీన్ కోసం
రాజమౌళి స్వయంగా అగ్నిపర్వతం నిర్మించి బ్లాస్ట్ చేయాలేమో. ఇక మరో విమర్శకుడు
కత్తి మహేష్ కూడా ఎప్పటిలానే రాజమౌళిపై పరోక్షంగా సెటైర్లు వేస్తున్నారు. ఈ మేరకు ఫేస్బుక్లో ‘కత్తి - సుత్తి’ అనే ఒక విమర్శనాస్త్రం వదిలారు. సుత్తి ప్రశ్నలకు
కత్తి సమాధానాలు చెప్పే కాన్వర్జేషన్ ఇది. ఆ కాన్వర్జేషన్ కింది విధంగా ఉంది..
సుత్తి: కత్తన్నా! చారిత్రాత్మక చిత్రం అంటే ఏమిటి?
కత్తి:
చరిత్ర ఆధారంగా తీసిన
సినిమా అని అర్థం.
సుత్తి: అంటే ఎప్పుడో జరిగినదాన్ని ఇప్పుడు చూపిస్తారన్న మాట!
కత్తి: అవును.
సుత్తి: అప్పుడు అలాగే జరిగింది అని ఇప్పుడు వీళ్లకు ఎట్లా తెలుస్తుంది.
కత్తి: చారిత్రక ఆధారాలు అనేవి ఉంటాయిలే. అప్పటి పుస్తకాలు, దస్తావేజులు, శిలాశాసనాలు, తవ్వకాల్లో దొరికిన ఆధారాలు. ఇలా చాలా ఉంటాయి. అవునోరేయ్! ఇంతకీ నీకు సడన్గా చారిత్రక చిత్రాల మీద ఇంట్రెస్ట్ ఎందుకో?
సుత్తి:
రాజమౌళి rrr కొత్త టీజర్ చూసి డౌట్ వచ్చింది. అంతే.
కత్తి: ఆ...
సుత్తి: కత్తన్నా... ఒక డౌట్!
కత్తి: అడుగూ ఆలస్యం ఎందుకు.
సుత్తి: కాపీ కొడితే తప్పా అన్నా?
కత్తి: అది ఎవరు కొట్టారు అనేదాని మీద డిపెండ్ అయ్యుంటుందిరా.
సుత్తి:
రాజమౌళి కాపీ కొడితే?
కత్తి: తప్పు కాదు.
సుత్తి: అదెలా...?
కత్తి:
సినిమా సక్సెస్ అవుతుంది కదా... కాబట్టి తప్పుకాదు.
సుత్తి: మరి ప్లాప్ అయితే...
కత్తి: అజ్ఞాతవాసిలా కాపీ కొట్టడం కూడా రాదు అంటారు. అప్పుడు అది తప్పవుతుంది.
సుత్తి: ఆ...
కత్తి: హమ్మయ్య ఇన్నాళ్ళకి వీడికి నేను కౌంటర్ వేసేసా
ఇవీ మన
కత్తి గారి సుత్తి పోట్లు.