ఎంత అందం ఉన్నా సరే.. అదృష్టం కూడా ఉండాలి అప్పుడే కెరీర్ లో రాణించవచ్చు. పాయల్ రాజ్‌పుత్‌ అయితే సినీ ఇండస్ట్రీలో అఢుగు పెట్టగానే... ఆర్‌ఎక్స్‌ 100అనే సినిమాలో నటించి సక్సెస్ అందుకుంది. ఆ విధంగా సినీ ఇండస్ట్రీలో పాటు ప్రేక్షకుల్లో నోటెడ్ అయిపోయింది. ఆమె ఎవరి దగ్గరకు వెళ్లకుండానే.. అవకాశాలు పాయల్ ను వెంటాడాయి. కానీ ఆశించిన స్థాయిలో సక్సెస్ రాలేదు. ఎంత గ్రామర్ చూపించినా ప్రయోజనం లేకపోవడంతో.. సీనియర్ హీరోలు అయిన విక్టరీ వెంకటేశ్, మాస్ మహారాజా నమ్ముకుంది. వాళ్లు కూడా ఈ అమ్మడిని ఫ్లాప్ ఊబి నుంచి బయటకు తీయలేకపోయారు.
సూపర్ స్టార్ మహేశ్‌ బాబు.. జూనియర్ ఎన్టీఆర్ లాంటి స్టార్స్‌ హీరోలు సైతం పాయల్ వైపు అస్సలు చూడలేదు. ఈ క్రమంలో... వెంకీమామలో వెంకటేశ్‌తో... డిస్కోరాజాలో రవితేజతో జతకట్టింది పాయల్. వెంకీమామకు ఏవరేజ్‌గా టాక్ వచ్చినా... పాయల్ కు మాత్రం పేరు దక్కలేదు. డిస్కోరాజా అయితే పూర్తిగా నిరాశపరిచింది. దీంతో ఈ అమ్మడిపై ఫ్లాప్ హీరోయిన్ ముద్ర పడింది.
లాక్‌డౌన్‌ సమయంలో తోటి హీరోయిన్స్ బంపర్ ఆఫర్స్ కొట్టేస్తుంటే.. ఏడాదిన్నర నుంచి పాయల్ కు తెలుగులో ఒక్క ఆఫర్‌ కూడా రాలేదు. దీంతో ఆమెను ఫ్లాప్ హీరోయిన్స్ జాబితాలో చేర్చారు. సీరియర్స్‌తో నటించడంతో.. ఏజ్డ్‌ హీరోయిన్ ముద్ర పడింది. దీంతో యంగ్‌ హీరోలు సైతం ఈ అమ్మడి వైపు చూడడం మానేశారు. ఎట్టకేలకు ఆది సాయికుమార్‌ కరుణించి పాయల్‌తో జత కట్టాడు. ఈ ఇద్దరి కాంబోలో 'కిరాతక' సినిమా రూపొందుతోంది. ఇటీవలే విడుదలయిన రొమాంటిక్‌ ఫస్ట్ లుక్‌తో ఈ జంట తెగ అట్రాక్ట్ చేస్తోంది.
