ఎప్పుడెప్పుడా అని అటు నందమూరి, ఇటు మెగా ఫ్యాన్స్్ ఎదురుచూస్తున్న గడువు వచ్చేసింది. ఆర్ఆర్ఆర్ ట్రైలర్ అనుకున్న దాని కంటే ఒక రేంజ్‌లో ఉంది. 3 నిమిషాల 16 సెకన్ల నిడివి ఉన్న ఈ ట్రైలర్ ఇప్పుడు సోషల్ మీడియాలో టాప్ ట్రెండింగ్‌గా నడుస్తోంది. ట్రైలర్‌లో ఎన్టీఆర్, చెర్రీ యాక్షన్ సీన్లకు అభిమానులు ఫిదా అవుతున్నారు. సినిమా ఎప్పుడా అని ఎదురు చూస్తున్నారు కూడా. అయితే భారీ రెస్పాన్స్ వస్తున్నప్పటికీ... ట్రైలర్ మాత్రం వకీల్ సాబ్ కంటే వెనుకబడింది. పవర్ స్టార్ పవన్ కల్యాణ్ హీరోగా వచ్చిన సినిమా వకీల్ సాబ్. ఈ సినిమా ట్రైలర్ యూ ట్యూబ్‌లో విడుదలైన కేవలం 7 నిమిషాల్లోనే 100K లైకులు సొంతం చేసుకుంది. ఇది ఇప్పటి వరకు రికార్డుగానే ఉంది. ఈ రికార్డును ఆర్ఆర్ఆర్ చెరిపేస్తుందని అంతా భావించారు. కానీ అది సాధ్యం కాలేదు. ఆర్ఆర్ఆర్ ట్రైలర్‌కు యూ ట్యూబ్‌లో 100K లైకులు రావడానికి 8 నిమిషాలు పట్టింది. దీంతో పవన్ రికార్డు అలాగే పదిలంగా మిగిలిపోయింది.
