సినిమా పరిశ్రమ ప్రభుత్వ నిబంధనల కు లోబడే నడుచుకోవాల్సి ఉంటుంద‌ని.. ఇష్టానుసారంగా నడుచుకునే అవకాశం ఉండకూడదు అని తేల్చి చెప్పేశారు. ప్రభుత్వం నిర్ణయించిన రేటుకు సినిమా చూసేలా మధ్యతరగతి వారి కోసం కొత్త విధానం తీసుకువ‌చ్చామ‌ని వివ‌రించారు. టాక్స్ లు కూడా పొంతన కుదరడం లేకుండా పోయింద‌ని, ఎవరూ టాక్స్ లు దాచేలా ప్రభుత్వాన్ని తప్పుదారి పట్టించకుండా ఆన్ లైన్ విధానం తీసుకువ‌స్తున్నామ‌ని వివ‌రించారు. దీని ద్వారా తక్కువ రేటుకు వినోదం.. ప్రభుత్వానికి టాక్స్ ల రూపంలో ఆదాయం సరిగ్గా వస్తుంది అని చెప్పారు.
సినిమా డిస్ట్రిబ్యూటర్ ప్రభుత్వం పై నిందలు వేస్తే అర్థం ఉంటుంది... కానీ ఒక రాజకీయ పార్టీ ప్రభుత్వం పై బురద వేయడం దురదృష్టం అని ఆవేద‌న వ్య‌క్తం చేశారు. ప్రభుత్వం అప్పుల కోసం ఈ విధానం అని ఆరోపణలు చేయడం దురదృష్టకరం విమ‌ర్శించారు. బస్సు, రైలు టిక్కెట్లు ఆన్ లైన్ తీసుకోవడానికి లేని అభ్యంతరం సినిమా టిక్కెట్లపై ఎందుకు ? మంత్రి పేర్ని నాని ప్ర‌శ్నించారు. అత్యంత సౌలభ్యకరంగా సినిమా ను అందుబాటులోకి తెస్తాం అని చెప్పుకొచ్చారు. డబ్బులు పోగు చేసుకోవాలని... అప్పులు తేవాలని ఆలోచన ప్రభుత్వానికి లేదు అని స్ప‌ష్టం చేశారు. క్యూలైన్ లో నిలబడే అవసరం లేకుండా... టిక్కెట్లు తీసుకోవచ్చు అని వివ‌రించారు.
