దానికి అనేక సాక్ష్యాలు ఉదాహరణలు ఉన్నాయి. కరోనా వచ్చి శరీరంలో ముఖ్యమైన అవయవాల మీద తీవ్ర ప్రభావం చూపిస్తుంది. ఆ తరువాత ఆరోగ్యవంతులు కోలుకున్నా కూడా అనేక ఇతర సమస్యలు ఆ తరువాత కూడా వెంటాడుతున్నాయని అంటున్నారు. ఇక ఇతర జబ్బులతో అప్పటికే ఉన్న వారు అయితే మరణిస్తున్నారు. ఇలా భారత్ లాంటి కరోనా సోకిన వారు ఇప్పటికి 80 లక్షలకు పైగా ఉన్నారని అంటున్నారు. ఇంకా ఈ సంఖ్య పెరుగుతోంది. దేశంలో కరోనా తగ్గినట్లుగా ఉంటూనే మళ్ళీ రోజుకు అర లక్షకు చేరుకోవడం ఒక ఉదాహరణ మాత్రమే.
ఇక ఢిల్లీలో అయితే రోజుకు అయిదారు వేల కేసులు నమోదు అవుతున్నారు. ఇక్కడ సెకండ్ వేవ్ స్టార్ట్ అయిందని అంటున్నారు. యూరోపియన్ దేశాల్లో అపుడే కరొనా సెకండ్ వేవ్ మొదలైందని వార్తలు వస్తున్నాయి. సెకండ్ వేవ్ కనుక వస్తే బీభత్సంగా ఉంటుందిట. గతంలో బ్రిటన్ లో ప్రతి పదివేల మందికి గానూ 60 మందికి కరోనా వస్తే ఇపుడు సెకండ్ వేవ్ లో ఆ సంఖ్య 128కి పెరిగిందిట. దీన్ని బట్టి చూసే కరోనా రెండవ మారు చాలా తీవ్రంగానే వ్యాపిస్తుంది అని అర్ధమవుతోంది శీతాకాలం భారత్ లాంటి దేశాల్లో ఎంటరైంది. నాలుగు నెలల పాటు అది ఉంటుంది. ఈ సమయంలో చాలా జాగ్రత్తగా ఉండాలని వైద్య నిపుణులు సూచిస్తున్నారు. భౌతిక దూరం పాటించడం, మాస్కులు ధరించడం వంటివి కనుక చేయకపోతే మాత్రం కరోనా సెకండ్ వేవ్ ధాటీగానే ఉంటుందని అంతా హెచ్చరిస్తున్నారు.