రాజకీయ పార్టీలు చేసే ఉద్యమాల్లో, పోరాటాల్లో ఆ పార్టీ కార్యకర్తలు, నేతలు మాత్రమే ఎక్కువగా పాల్గొనడం మనం చూస్తాం. అలాగే డబ్బులు ఇచ్చి ప్రజలను పార్టీల కార్యక్రమాలకు సభలకు తీసుకెళ్లడం సర్వసాధారణం అయిపోయింది. అలాంటిది వారి కోసం పోరాటం చేస్తున్న రాజకీయ ఉద్యమాల్లో నిరుద్యోగ యువత ఎందుకు భాగస్వామ్యం కాలేకపోతున్నారనే ప్రశ్న వస్తుంది. దేశంలో దాదాపు కోట్లలో నిరుద్యోగులు ఉంటారు. వాళ్లందరూ రాజకీయ పోరాటంలో భాగస్వామ్యం కాలేకపోతారు.
రైతులకు వ్యతిరేకంగా తీసుకువచ్చిన రైతు చట్టాలకు వ్యతిరేకంగా రైతులు పోరాటం చేస్తున్నారు. మరి నిరుద్యోగులు ఎందుకు ఉద్యమం చేయడం లేదనేది గమనిస్తే.. నిరుద్యోగులు యునైటెడ్ గా లేకపోవడం. ఒక కామన్ అస్తిత్వం లేకపోవడం ప్రధాన కారణం. అలాగే మానసిక స్థితి.. తన వైఫల్యం వల్లే ఉద్యోగం రాలేదని నిరుత్సాహం చెంది మిన్నకుండి పోతారు. కానీ, నిరుద్యోగం వ్యవస్థాగత వైఫల్యం అని అనుకోరు.