దీంతో ఇక పెట్రోల్ వాహనాలను వదిలేసి ఎలక్ట్రిక్ వాహనాలు కొనుగోలు చేసేందుకు ఎక్కువ ఆసక్తి చూపుతున్నారు. ఇలాంటి నేపథ్యంలోనే కస్టమర్ల అభిరుచులకు అనుగుణంగా ఎన్నో వాహన తయారీ కంపెనీ లు ఇక వినూత్నమైన టెక్నాలజీతో వాహనాలు తయారు చేసేందుకు కూడా సిద్ధమవుతున్నాయి. ఇక ప్రస్తుతం పలు రకాల వాహనాలు తయారీ దశలో ఉన్నాయి. ఇక రానున్న రోజుల్లో పెట్రోలు వాహనాలు స్వస్తి పలికే రోజు వస్తుందని ఇప్పటికే ఎంతో మంది నిపుణులు అభిప్రాయం వ్యక్తం చేశారు. ఇక ఇటీవల హీరో ఎలక్ట్రిక్ ఎండీ నవీన్ మంజూల్ కూడా ఇదే విషయాన్ని చెప్పుకొచ్చారు.
ప్రపంచ దేశాల మాదిరిగానే భారత్ కూడా స్వచ్ఛ ఇంధనాల వాహనాల దిశగా వెళ్లే సమయం ఆసన్నమైందంటూ నవీన్ వ్యాఖ్యానించారు. 2027 నాటికి భారత్లో ద్విచక్రవాహనాల విక్రయాలు పూర్తిగా విద్యుత్ తోనే ఉండే విధంగా టెక్నాలజీ అభివృద్ధి చెందాలని అభిప్రాయం వ్యక్తం చేశారు. ఆ సమయం వరకు పెట్రోల్ ఆధారిత వాహనాల విక్రయాలు ఆపేయాలని తెలిపిన ఆయన.. అధిక ధరలు ఛార్జింగ్ వసతుల లేమి కారణంగానే భారత్లో విద్యుత్ వాహనాలకు గిరాకీ లేదు అంటూ చెప్పుకొచ్చారు. కార్ల కంటే బైక్ల తోనే ఎక్కువ కాలుష్యం జరుగుతుంది అంటూ తెలిపారు.
