జయసుధను సహజ నటి అంటారు. అప్పట్లో బరువైన పాత్రలకు ఆమె కేరాఫ్ అడ్రెస్. గట్టిగా ఇరవై ఏళ్ళు కూడా నిండకుండానే జ్యోతి అనే సినిమాలో టిపికల్ రోల్ ప్లే చేసి శభాష్ అనిపించుకుంది. ఆమె మొదటి నుంచి చక్కని పాత్రలకు ఇంపార్టెంట్ ఇస్తూ తన టాలెంట్ కి ఎప్పటికపుడు పదును పెట్టుకుంటూ వచ్చిన నటీమణి.

ఇదిలా ఉంటే జయసుధ హీరోయిన్ గా చేస్తున్న టైమ్ లోనే  జయప్రద కూడా పోటీగా ఉండేది. జయప్రద ఎక్కువగా గ్లామర్ రోల్స్ వేసేవారు.  స్టార్ హీరోలు కూడా గ్లామర్ కోసం ఆమెకే ఫస్ట్  ప్రయారిటీ ఇచ్చేవారు. మరి జయసుధ గ్లామర్ రోల్స్ వేయలేదా లేక ఆమెకు అలాంటి అవకాశాలు దక్కలేదా అన్నది ఒక చర్చ. అయితే జయసుధ కూడా మంచి అందగత్తె. పైగా ఆమె మేకప్ ఎక్కువగా అవసరం లేకుండానే వెండి తెర మీద నిండుగా కనిపించే నటీమణి. అయితే ఆమె ఎంచుకున్న పాత్రలు, మహిళా చిత్రాలు కారణంగా ఆమె గ్లామర్ చట్రం నుంచి బయటకు వచ్చేశారు.

ఆమె ఇరవై ఏళ్ళ వయసులోనూ గ్లామర్ పాత్రలకు దూరంగానే ఉన్నారు. ఇదిలా ఉంటే అందరి హీరోయిన్లను అత్యంత అందంగా చూపించే కె రాఘవేంద్రరావు మాత్రం తన సినిమాల్లో జయసుధను గ్లామరస్ గా చూపించారు. ఆయన డైరెక్షన్ లో వచ్చిన కేడీ నంబర్ వన్, ఆమె కధ వంటి చిత్రాలలో జయసుధ గ్లామరస్ గానే కనిపిస్తుంది. జయసుధ చేత ఆ రోజులలో ఉన్న ఫ్యాషన్ డ్రెస్ లను ధరింప చేసి నాటి యూత్ ఫిదా అయ్యేలా రాఘవేంద్రరావు  చూపించారని చెబుతారు.

అయితే జయసుధలోని అద్భుతమైన నటనను రాబట్టేందుకే మిగిలిన దర్శకులు ఎక్కువగా చూసేవారు. అలాంటి వారిలో దర్శకరత్న దాసరి నారాయణరావు ముందు వరసలో ఉంటారు. ఆయన జయసుధతో ఎన్నో గుర్తుండిపోయే పాత్రలు చేయించి ఆమెకి చిరకీర్తి దక్కేలా చేశారు. మొత్తానికి కెరీర్ ఆరంభంలో జయసుధ గ్లామర్ పాత్రలను కొన్ని  వేశారు.   రామక్రిష్ణ హీరోగా వచ్చిన నోము సినిమాతో పాటు అక్కినేని నాగేశ్వరరావు  మహాకవి క్షేత్రయ్య  సినిమాలలో  ఆమె చేసిన సాంగ్స్ అలాంటివే. కానీ ఆమె ఉత్తమ నటీమణిగానే తెలుగు వారికి ఎప్పటికీ గుర్తుండిపోయే పాత్రలు ఎక్కువగా చేసి శభాష్ అనిపించుకున్నారు.

మరింత సమాచారం తెలుసుకోండి:

jayasudha jayaprada jayasudha tara silver heroine makeup fashion silver screen fidaa

Satya

13/05/2021 11:00 AM