సూపర్ స్టార్ రజనీకాంత్ గురించి మనం మాట్లాడటం కాదు.. బాక్సాఫీస్ లెక్కలు మాట్లాడతాయి, అభిమానుల ప్రేమ మాట్లాడుతుంది. కేవలం తమిళనాటే కాదు.. రజనీ కాంత్ కు యావత్ ఇండియాలోనే తిరుగులేని అభిమానగళం ఉంది.ఆయన సినిమా రిలీజవుతుందంటే.. ఆ రోజు సూపర్ స్టార్ ఫ్యాన్స్ కు పెద్ద పండగే. అంతెందుకు తమిళనాట చాలా కంపెనీలు.. రజనీ కొత్త సినిమా రిలీజవుతుందంటే హాలీడే ఇచ్చేస్తాయి. మరికొన్నయతే.. ఏకంగా టిక్కెట్ లు బుక్ చేసి మరీ సినిమా చూడమని ఆఫర్ ఇస్తుంటాయి. ఇలాంటివి ఒక్క రజనీకాంత్ విషయంలోనే జరుగుతాయని బల్ల గుద్ది చెప్పవచ్చు. ఇక రజనీకాంత్ ను చాలా మంది డైరెక్టర్ ల హీరో అని అంటుంటారు. డైరెక్టర్ ఒక సీన్ గురించి ఎక్స్‌ప్లేయిన్ చేస్తే, దానికి రెట్టింపు అవుట్ పుట్ ఇవ్వడం రజనీ స్పెషల్. అలాంటి హీరోను షూటింగ్ సెట్ లోనే డైరెక్టర్ బాల చందర్ చెప్పుతో కొడతానని తిట్టాడన్న ఇచ్చాడన్న విషయం మీకు తెలుసా..? అవును. రజనీకాంత్ కు ఒకప్పుడు డ్రింకింగ్ అలవాటు చాలా ఉండేదట. కాగా బాల చందర్ తో ఓ సినిమా చేస్తున్న టైమ్ లో షూటింగ్ అయిపోయిందనుకుని వెళ్లి ఎప్పటిలానే మందు తాగతూ కూర్చున్నాడట.

అయితే అదే టైమ్ కు బాల చందర్ గారి నుంచి పిలుపు వచ్చిందట. ఇంకో సీన్ తీసేందుందని అసిస్టెంట్ తో రజనీ కు కబురందించాడట. అయితే అప్పటికే రజనీ ఫుల్లుగా తాగేశాడు. ఇప్పుడు తను తాగిన విషయం తెలిస్తే బాల చందర్ గారు కోప్పడతారని.. వెంటనే బ్రష్ చేసుకుని, స్నానం చేసి షూటింగ్ స్పాట్ కు వెళ్లాడట. అయితే బాల చందర్, రజనీ మందు తాగిన విషయం కనిపెట్టి.. తిట్టాడట. నాగేష్ అనే గొప్ప యాక్టర్ గురించి చెబుతూ.. ఆయన కాలి గోటికి కూడా నువ్వు సరిపోవు. తాగడం వల్ల ఆయన కెరీర్ నాశనం అయిపోయింది. ఇలా ఇంకోసారి షూటింగ్ టైమ్ లో మందు తాగితే చెప్పుతో కొడతానని వార్నింగ్ ఇచ్చాడట. అంతే అప్పటి నుంచి రజనీ ఎంత లేటైనా సరే షూటింగ్ అయిపోయాకే ఆల్కహాల్ సేవించేవాడట. ఇక డైరెక్టర్ బాల చందర్ అంటే.. రజనీకి వల్లమాలిన ప్రేమ. నిజానికి రజనీ కి సినీ కెరీర్ ప్రసాదించిందే బాల చందర్. అలా తన రజనీకాంత్, బాల చందర్ ను గురువుగా భావిస్తాడు. అందుకే బాల చందర్ ఎన్ని మాటలన్నా రజనీ కాంత్ తన తండ్రి తిడుతున్నాడనే భావనతో ఉండేవాడట. అప్పట్లో వీళ్లని చూసి గురు, శిశ్యులంటే ఇలా ఉండాలని అనేవారట.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

socialstars lifestyle

murali krishna

15/05/2024 09:34 PM