ఆంధ్రావ‌నిలో థియేట‌ర్ల నిర్వ‌హ‌ణ‌కూ, ప్ర‌భుత్వం విధించిన టికెట్ రేట్ల‌కు పొంత‌న అన్న‌ది లేకుండా ఉంది. దీంతో రోజురోజుకీ వివాదం ముదురుతోంది. త‌గ్గించిన ధ‌ర‌ల‌కు అనుగుణంగా తాము థియేట‌ర్ల‌ను న‌డ‌ప‌లేమ‌ని సంబంధిత వర్గాలు ల‌బోదిబోమంటూ ఉంటే వైసీపీ నాయ‌కులు మాత్రం నోటికి వ‌చ్చిన రీతిన మాట్లాడుతూ త‌రుచూ వివాదాల్లోనే మునిగి తేలుతున్నారు.ఈ ఏడాది బూతులు మంత్రులు ఓ వైపు, రోజా మాట‌లు మ‌రోవైపు అన్న విధంగానే రాజకీయం న‌డుస్తోంది. టీటీడీ ప్రాంగ‌ణంలో స్వామి ద‌ర్శ‌నార్థం వ‌చ్చిన రోజా త‌న‌దైన వ్యాఖ్యలు చేయ‌డంతో నిర్మాత‌లు కొంద‌రు మండిప‌డుతున్నారు. ప్ర‌స్తుతం ఉన్న ధ‌ర‌ల‌తో తాము విసిగి వేసారిపోతున్నామ‌ని ఈ త‌రుణంలో సినిమా టికెట్ రేట్లు త‌గ్గించి ఏం సాధిద్దాం అనుకుంటున్నార‌ని వీరంతా గ‌గ్గోలు పెడుతున్నారు. అయితే రోజా ఇదే సమయంలో హీరో నానీతో స‌హా ఇంకొంద‌రిని ఉద్దేశించి రాజ‌కీయ ప్ర‌యోజ‌నం ఆశించే ఆ విధంగా మాట్లాడుతున్నార‌ని రోజా అంటున్నారు. టాలీవుడ్ పెద్ద‌ల కోరిక మేర‌కే తాము కొత్త జీఓ ఇచ్చామ‌ని చెప్ప‌డం కొస‌మెరుపు.
