మంచినీళ్లు తాగినంత ఈజీగా సెంచరీలు చేస్తూ శుభమన్ గిల్.. ఇక భారత క్రికెట్ ఫ్యూచర్ అనే నమ్మకాన్ని.. ప్రతి ఒక్కరిలో కలిగిస్తున్నాడు అని చెప్పాలి. ఇప్పటికే మూడు ఫార్మాట్లలో తానేంటో నిరూపించుకున్న శుభమన్ గిల్.. మొన్నటికి మొన్న ఐపీఎల్ లో కూడా సెంచరీ తో చెలరేగి పోయాడు. వరుసగా మ్యాచ్ లలో సెంచరీలు చేసి అదరగొట్టాడు అని చెప్పాలి. ఈ క్రమంలోనే మాజీ ఆటగాళ్లందరూ కూడా అతనిపై ప్రశంసలు కురిపిస్తున్నారు శుభమన్ గిల్. భారత క్రికెట్ లో ఫ్యూచర్ సచిన్, విరాట్ కోహ్లీ అంటూ ఎంతోమంది దిగ్గజాలతో గిల్ ను పోలుస్తూ ఉండడం గమనార్హం. ఇక ఇదే విషయంపై టీమిండియా మాజీ కోచ్ గ్యారి కిర్ స్టెన్ కీలక వ్యాఖ్యలు చేశాడు.
కెరియర్ ప్రారంభ దశలో కీలకమైన ఫామ్ కనబరుస్తున్న శుభమన్ గిల్ ఇప్పుడే సచిన్, విరాట్ కోహ్లీ లాంటి దిగజాలతో పోల్చవద్దు అంటూ గ్యారి అభిప్రాయపడ్డాడు. పలువురు మాజీలు గిల్ ను సచిన్ విరాట్ కోహ్లీతో పోల్చడాన్ని ఆయన తప్పుపట్టారు. అయితే శుభమన్ గిల్ కు అన్ని ఫార్మాట్లలో కూడా అద్భుతమైన ప్రదర్శన చేసే సత్తా ఉందని ప్రశంసలు కురిపించాడు. అయితే క్రికెట్లో ఎప్పుడు నేర్చుకుంటూనే ఉండాలని అప్పుడే అత్యుత్తమమైన ఫామ్ కొనసాగించే ఛాన్స్ ఉంది అంటూ చెప్పకొచ్చాడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి