రోజుకు 8 గంటల కన్నా  ఎక్కువ  కూర్చొని పని చేస్తే ఎలాంటి దుష్పరిణామాలు కలుగుతాయో ఇప్పుడు తెలుసుకుందాం.సాధారణంగా మన వెన్నెముక  ఎస్ అక్షరం షేప్‌లో ఉంటుంది. కానీ అలా రోజూ ఎక్కవ సేపు కూర్చుని పనిచేస్తే 5 ఏళ్లకు మన వెన్నెముక  సి అక్షరం షేప్ కు మారుతుంది. ఎక్కువ సేపు కూర్చుని ఉండడం వల్ల పొట్ట, ఛాతి దగ్గర ఉండే కండరాలు బాగా వీక్ అవుతాయి. దీంతో ఆ భాగంలో రక్త ప్రసరణ అనేది సరిగ్గా జరగదు.దాని ఫలితంగా అది వెన్నెముక షేప్ అవుట్ కు కారణమవుతుంది. దీంతోపాటు చూపులో కూడా తేడా వస్తుంది.మన దృష్టి తగ్గుతుంది. ఇంకా తలనొప్పి ఎక్కువగా వస్తుంటుంది.కూర్చుని ఉద్యోగాలు చేసే చాలా మందికి కూడా ఎక్కువగా గుండె జబ్బులు, హైబీపీ సమస్యలు వస్తున్నాయి. ఎక్కువ సేపు కూర్చుని ఉండడం వల్ల శరీరంలో రక్త సరఫరా అనేది సరిగ్గా జరగదు. అందువల్ల గుండె సంబంధ వ్యాధులు ఎక్కువగా వస్తాయి. ఈ క్రమంలో రక్త నాళాల్లో కొలెస్ట్రాల్ ఈజీగా పేరుకుపోతుంది. ఖచ్చితంగా అది రక్త సరఫరాకు ఆటంకం కలిగిస్తుంది. అందువల్ల హార్ట్ ఎటాక్‌లు వస్తాయి. శారీరక శ్రమ చేసే వారి కన్నా చేయకుండా  కూర్చుని ఎక్కువ పనిచేసేవారిలో గుండె జబ్బులు వచ్చే అవకాశం 54 శాతం వరకు ఉంటుందని పరిశోధనలు చెబుతున్నాయి.అలాగే కాళ్లలో ఉండే రక్త నాళాల్లో రక్తం గడ్డ కట్టుకుని పోతుంది. దీంతో ఆ ప్రదేశాల్లో రక్త నాళాల్లో రక్త సరఫరా సరిగ్గా జరగక అక్కడ నాళాలు వాపులకు ఈజీగా లోనవుతాయి.ఇక ఇది ఎక్కువైతే ఆ వాపులు బయటకు కనిపిస్తాయి. దీన్నే వెరికోస్ వీన్స్ అని అంటారు.


అయితే సాధారణంగా ఈ సమస్య కూడా ఎక్కువ సేపు కూర్చుని పని చేసే వారికి వస్తుంది. ఇక కాళ్లను మడిచి లేదా ఒక దానిపై మరొకటి వేసుకుని కుర్చీలో కూర్చునే వారికి కూడా ఈ సమస్య త్వరగా వస్తుంది. రక్త సరఫరా అనేది సరిగ్గా జరగకపోతేనే ఈ సమస్య వస్తుంది.శారీరక శ్రమ లేకపోవడం, ఏసీల్లో పనిచేయడం, ఆకలి వేయకున్నా ఏదో ఒకటి లాగించేయడం, అసమయ భోజనాలు ఇంకా నిద్రలేమి.. వంటి కారణాలు తోడైతే స్థూలకాయం సమస్య ఖచ్చితంగా మరింత పెరుగుతుంది.నిత్యం కూర్చుని ఉద్యోగం చేసే వారిలో కండరాలు, ఎముకలు చాలా త్వరగా బలహీనంగా మారిపోతాయట.దీంతో వారిలో ఆస్టియోపోరోసిస్ సమస్య అనేది త్వరగా వస్తుందట. ఇక అలా అని అధ్యయనాలే చెబుతున్నాయి.ఎప్పుడు కూర్చుని పనిచేసే వారిలో రోజు రోజుకీ జీర్ణ వ్యవస్థ పనితీరు కూడా మందగిస్తుంది. తిన్న ఆహారం కూడా సరిగ్గా జీర్ణం కాదు. దీనికి తోడు కణాలు కూడా ఇన్సులిన్‌ను సరిగ్గా గ్రహించలేవు. అందువల్ల రక్తంలో గ్లూకోజ్ అధికంగా పేరుకుపోయి అది టైప్ 2 డయాబెటిస్‌కు దారి తీస్తుంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Health

Purushottham Vinay

25/09/2023 07:41 PM