పోయిన సంవత్సరం కార్తికేయ "బెదురులంక 2012" అనే మూవీ తో ప్రేక్షకుల ముందుకు వచ్చిన విషయం మనకు తెలిసిందే. ఈ మూవీ లో నేహా శెట్టి హీరోయిన్ గా నటించగా ... క్లాక్స్ ఈ మూవీ కి దర్శకత్వం వహించాడు. మంచి అంచనాల నడుమ థియేటర్ లలో విడుదల అయిన ఈ కామెడీ ఎంటర్టైనర్ మూవీ బాక్స్ ఆఫీస్ దగ్గర మంచి విజయాన్ని అందుకొని భారీ కలెక్షన్ లను రాబట్టింది. 

ఈ మూవీ తో కార్తికేయ కి కూడా చాలా రోజుల తర్వాత మంచి విజయం దక్కింది. ఇలా బెదురులంక 2012 మూవీ తో మంచి విజయాన్ని అందుకొని ఫుల్ జోష్ లో ఉన్న ఈ యువ నటుడు తాజాగా భజే భాయు వేగం అనే సినిమాలో హీరో గా నటిస్తున్నాడు. ఇక ప్రస్తుతం ఈ మూవీ షూటింగ్ చివరి దశకు చేరినట్లు తెలుస్తోంది. దానితో తాజాగా మేకర్స్ ఈ సినిమా యొక్క విడుదల తేదీని అధికారికంగా ప్రకటించారు. ఈ మూవీ ని మే 31 వ తేదీన ప్రపంచ వ్యాప్తంగా థియేటర్ లలో విడుదల చేయనున్నట్లు అధికారికంగా ప్రకటిస్తూ ఓ పోస్టర్ ను కూడా మేకర్స్ విడుదల చేశారు.

ఇక మేకర్స్ విడుదల చేసిన ఈ పోస్టర్ లో కార్తికేయ వైట్ కలర్ లో ఉన్న స్పోర్ట్స్ డ్రెస్ ను వేసుకొని చేతిలో ఓ బ్యాట్ పట్టుకొని నిలబడి ఉన్నాడు. ప్రస్తుతం ఈ పోస్టర్ సోషల్ మీడియాలో తెగ వైరల్ అవుతుంది. ఈ సినిమాకు ప్రశాంత్ రెడ్డి దర్శకత్వం వహిస్తూ ఉండగా ... యు వి కాన్సెప్ట్స్ బ్యానర్ వారు ఈ సినిమాను నిర్మిస్తున్నారు. మరి బెదురులంక 2012 మూవీ తో బాక్స్ ఆఫీస్ దగ్గర మంచి విజయాన్ని అందుకున్న ఈ నటుడు భజే వాయు వేగం సినిమాతో ఏ స్థాయి విజయాన్ని అందుకుంటాడో తెలియాలి అంటే మరి కొంత కాలం వేచి చూడాల్సిందే.

మరింత సమాచారం తెలుసుకోండి:

MADDIBOINA AJAY KUMAR

09/05/2024 11:40 AM