మహాలయ అమావాస్య, పితృ పక్షంలో అత్యంత ముఖ్యమైన రోజు. ఈ రోజున పితృ దేవతలకు తర్పణాలు, శ్రాద్ధ కర్మలు నిర్వహించడం చాలా పవిత్రమైనదిగా భావిస్తారు. అయితే, ఈ పవిత్రమైన రోజున కొన్ని పనులను పొరపాటున కూడా చేయకూడదు అని పెద్దలు, పండితులు చెబుతుంటారు. ఈ నెల 21వ తేదీన మహాలయ అమావాస్య అనే సంగతి తెలిసిందే.
మహాలయ అమావాస్య రోజున గృహ ప్రవేశం, కొత్త వాహనాలు, ఆభరణాలు, కొత్త బట్టలు కొనడం వంటి ఏ విధమైన శుభకార్యాలు లేదా కొత్త పనులను ప్రారంభించడం మంచిది కాదు. ఈ రోజు కేవలం పూర్వీకులకు సంబంధించినదిగా పరిగణించబడుతుంది. ఈ రోజున ముఖ్యమైన లేదా దూర ప్రయాణాలు చేయడం కూడా అశుభంగా భావిస్తారు.
ఇంటికి ఎవరైనా పేదవారు, బ్రాహ్మణులు లేదా సాయం అడిగినవారు వస్తే, వారికి ఏమీ ఇవ్వకుండా వట్టి చేతులతో వెనక్కి పంపకూడదు. మీ శక్తి మేరకు దానం చేయడం చాలా శుభకరం. అలా చేయకపోతే పితృ దేవతలకు ఆగ్రహం కలుగుతుందని నమ్మకం. రోజున మాంసాహారం తీసుకోవడం, మద్యం సేవించడం పూర్తిగా నిషిద్ధం. సాత్విక ఆహారం మాత్రమే తీసుకోవాలి.
ఎవరితోనూ కోపంతో మాట్లాడకూడదు, అలాగే ఎవరినీ అవమానించడం, ఇతరుల గురించి చెడుగా మాట్లాడటం లాంటివి చేయకూడదు. పితృదేవతలు సంతోషించే పనులు మాత్రమే చేయాలి. శ్రాద్ధ కర్మలు నిర్వహించేటప్పుడు రాత్రిపూట శ్రాద్ధ ఆహారాన్ని వడ్డించకూడదు. అరటి ఆకుల్లో లేదా స్టీలు పాత్రల్లో శ్రాద్ధ ఆహారాన్ని వడ్డించకుండా, ఆకు, వెండి, రాగి, కంచు వంటి పాత్రలలో వడ్డించాలి. అప్పు తీసుకుని శ్రాద్ధ కర్మలు చేయకూడదు. ఈ నియమాలను పాటించడం వల్ల పూర్వీకుల ఆశీస్సులు లభిస్తాయని, జీవితంలో కష్టాలు తొలగిపోతాయని ప్రగాఢ నమ్మకం. ఈ రోజును పూర్తిగా పితృ దేవతలను స్మరించుకోవడానికి, వారి ఆత్మశాంతి కోసం ప్రార్థించడానికి కేటాయించాలి. మహాలయ అమావాస్య రోజున ఈ విషయాలను కచ్చితంగా గుర్తుంచుకుని పాటించాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి