ఇకపోతే గత రెండు మూడేళ్లుగా రౌడీ హీరో విజయ్ దేవరకొండ, సినీ నటి రష్మిక మందన్న ప్రేమలో ఉన్నట్లు రూమర్స్ వస్తూనే ఉన్నాయి. ఇద్దరు కలిసి ఒకే చోట ఉన్నట్టుగా నెటిజన్స్ ఇప్ప‌టికే చాలా ఫ్రూప్స్ చూపించారు. ఓ ఇంటర్వ్యూలో విజయ్ ఈ ప్రచారాలపై స్పందించారు. ఈ విషయంపై సమయం వచ్చినప్పుడు స్పందిస్తానని తెలిపారు. ఈ ప్రపంచం మొత్తం ఎప్పుడు ఈ విషయం గురించి తెలుసుకోవాలని అనుకుంటుందో అప్పుడు బయటపెడతానని చెప్పుకొచ్చారు. రష్మికతో డేటింగ్ పై క్లారిటీ ఇవ్వాలంటే ఒక సమయం, సందర్భం రావాలని ఇంటెలిజెంట్ గా రిప్లై ఇచ్చారు.
ఇక అంతకు ముందు కూడా ఇలాగే రష్మిక, విజయ్ లవ్ లో ఉన్నారని.. వీరు పెళ్లికి సిద్ధమయ్యారని ప్రచారం జరిగింది. ఇక ఈ జంట ఒక్కటి కాబోతుందని, ముహూర్తం కూడా ఫిక్స్ చేసుకున్నారంటూ ప్రచారం సాగుతుండ‌డంతో అప్పుడు కూడా విజయ్ దేవరకొండ ఇంగ్లీష్‌ మేగజీన్‌కి ఇచ్చిన ఇంటర్వ్యూలో స్పందించారు. మీడియా తనకు ప్రతి ఏడాది పెళ్లి చేయాలని చూస్తుందని అన్నారు. ప్రతి సారి ఇలాంటి రూమర్స్ వింటూనే ఉన్నానని.. దొరికితే పెళ్లి చేయాలనుకుంటున్నారు అంటూ సెటైరికల్‌గా, ఫన్నీగా విజయ్ దేవరకొండ బ‌దులు ఇచ్చారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి