ఒక రకంగా చెప్పాలంటే తన బ్యాటింగ్ విధ్వంసంతో 23 ఏళ్లకే స్టార్ బౌలర్లకు సైతం సింహ స్వప్నంలా మారిపోయాడు అని చెప్పాలి. ఇక ప్రత్యర్థి జట్లు మొత్తం స్టార్ ప్లేయర్ల కోసం ప్రత్యేకంగా వ్యూహాలను సిద్ధం చేసుకున్న విధంగానే ఇక యువ ఆటగాడు గిల్ కోసం కూడా మరింత ప్రత్యేకమైన వ్యూహాలను సిద్ధం చేసుకునే విధంగా తన ఆట తీరుతో ప్రభావం చూపిస్తున్నాడు అని చెప్పాలి. ఇక ఇటీవల న్యూజిలాండ్తో జరిగిన మూడవ టి20 మ్యాచ్ లో కూడా సెంచరీ చేసి తన కెరియర్ లో మొదటి టీ20 సెంచరీ నమోదు చేశాడు శుభమన్ గిల్. అతని అద్భుతమైన బ్యాటింగ్ పై ఎంతో మంది మాజీ ఆటగాళ్లు కూడా ప్రశంసలు కురిపిస్తున్నారు అని చెప్పాలి.
ఇటీవల న్యూజిలాండ్ తో జరిగిన మూడవ టి20 మ్యాచ్ లో భాగంగా గిల్ చెలరేగిపోయి ఏకంగా 126 పరుగులు చేశాడు. ఈ క్రమంలోనే తన సక్సెస్ సీక్రెట్ ఏంటి అన్న విషయంపై ఒక ఆసక్తికర విషయాన్ని పంచుకున్నాడు. కెప్టెన్ హార్దిక్ పాండ్యా నన్ను నాలాగే నేచురల్ గా గేమ్ ఆడమని ప్రోత్సహించాడు. ఇక అది ఫలించినందుకు నేను ఎంతో సంతోషంగా ఉన్నాను అంటూ చెప్పుకొచ్చాడు. అయితే నా విజయానికి క్రెడిట్ మా నాన్నకు, టీమ్ మేనేజ్మెంట్, కెప్టెన్ కి చెందుతుంది అంటూ తెలిపాడు. ఇక నా విజయంలో 90% క్రెడిట్ మా నాన్నకే ఇస్తాను అంటూ శుభమన్ గిల్ చెప్పుకొచ్చాడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి