ఇప్పటి వరకు ధనుష్ – మృణాల్ కలిసి ఒక్క సినిమా కూడా చేయలేదు. కానీ వీరి మధ్య స్నేహం మాత్రం బలంగా కనిపిస్తోంది. ప్రస్తుతం ఈ జంట దర్శకుడు ఆనంద్ ఎల్. రాయ్ రూపొందిస్తున్న "తేరే ఇష్క్ మే" సినిమాలో కలిసి నటిస్తున్నారు. ఈ షూటింగ్ సమయంలోనే ఇద్దరి మధ్య క్లోజ్‌నెస్ పెరిగిందని ఇండస్ట్రీ వర్గాలు చెబుతున్నాయి. షూటింగ్ బ్రేక్‌లో ఇద్దరు గడిపిన ప్రైవేట్ టైం కూడా గాసిప్‌ను ఆవిరి చేస్తోంది. ఇక్కడ మరో ట్విస్టేంటంటే, మృణాల్ స్పాటిఫై అకౌంట్‌లో "మామాస్ ఫేవ్స్" పేరుతో ఓ ప్లేలిస్ట్ కనిపించిందట. అందులోని పాటలు అన్నీ తమిళ సాంగ్స్ అని, అవి ధనుష్ సిఫార్సు చేసినవని నెటిజన్లు గుసగుసలు వినిపిస్తున్నారు. ఫ్యాన్స్ అయితే.. "ఇది ప్రేమకు సైగే" అంటున్నారు.
ఇదే సమయంలో కొన్ని నెలల క్రితం ధనుష్ – మీనా పెళ్లి వార్తలతో బీభత్సం అయిన సంగతి గుర్తుండే ఉంటుంది. ఆ ప్రచారాన్ని మీనా తీవ్రంగా ఖండించగా, ఇప్పుడు మృణాల్‌తో కొత్త ప్రేమ చర్చ తెరపైకి వచ్చింది. అయితే ఇప్పటివరకు ధనుష్ కానీ, మృణాల్ ఠాకూర్ కానీ ఎలాంటి స్పందన ఇవ్వలేదు. ఈ ప్రేమాయణం నిజమా? రూమరా? అనేది చెప్పడం ఇప్పటికీ కష్టమే. కానీ అభిమానులకు మాత్రం ఇది హాట్ టాపిక్. ఇండస్ట్రీ వర్గాల్లోనూ, సోషల్ మీడియా వేదికల్లోనూ ఈ జంట గురించి చర్చ నడుస్తోంది. అధికారికంగా ఎవరైనా క్లారిటీ ఇస్తే కానీ అసలు విషయం బయటపడేలా లేదు!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి