2014 ఎన్నికల్లో లక్ష కోట్లు అవినీతి అంటూ వాడిన ప్రచార ఆయుధం, వైసీపీని తీవ్రంగా దెబ్బతీసింది. అయినా ప్రజల్లో ఉన్న సానుభూతితో 67 స్థానాలు సాధించి వైసీపీ ఎదుగుదల నిరూపించుకుంది. 2019లో ఫుల్ స్వింగ్ – కానీ ఇంకా డిఫెన్స్ మోడ్! .. 2019లో జగన్ గెలిచినా, టీడీపీ విమర్శలకు, ఆరోపణలకు, ప్రస్తావించిన వివేకా హత్య వంటి అంశాలకు వైసీపీ వైపు నుంచి ఎదురు మాటలు రావడం లేదు. ప్రజలు "ఒక్క ఛాన్స్" అంటూ మద్దతిచ్చారు. కానీ దాని తర్వాత వైసీపీ పబ్లిక్ నరేటివ్ను నిర్మించడంలో విఫలమైంది. పార్టీని డిఫెండ్ చేయడంలో ఓకే.. కానీ టీడీపీని ఆఫెన్సివ్‌లోకి నెట్టే వ్యూహాలేమీ కనిపించలేదు. 2024 - గట్టిగానే పడింది! .. ఈసారి వైసీపీ ఓటమి ఓ సాధారణ పరాజయం కాదు – అది ప్రజాస్పందనతో కూడిన హెచ్చరిక. జగన్ పాలనను ప్రజలు చూశారు.
ఇప్పుడు “ఒక్క ఛాన్స్” అన్న సానుభూతి లేదు, “వైయ‌స్‌ కుమారుడు” అన్న చరిష్మా లేదు. పైగా సోషల్ మీడియా యుగంలో రాజకీయాలు "ఒకటి అంటే పది"గా మారిపోయాయి. అలాంటి సమయాల్లో వైసీపీ తాను మౌనంగా ఉంటూ ఎదురుదాడి లేకుండా సాగితే అది పార్టీకి తీవ్రమైన నష్టమే. ఇప్పుడు అవసరం – దూకుడు పాలిటిక్స్! .. వైసీపీ ఇప్పుడు పాత భద్రతా ఫార్ములా విడిచి, దూకుడుతో పాలిటిక్స్ చేయాల్సిన సమయం. టీడీపీ ఆరోపణలు చేస్తే కౌంటర్, దెబ్బకు దెబ్బ, ప్రజల్లోకి మెసేజ్ బలంగా వెళ్లేలా న్యారేటివ్ కన్‌స్ట్రక్షన్ అవసరం. లేకపోతే జగన్ మళ్లీ పునరాగమనం చేసే అవకాశం దరిదాపుల్లో ఉండదనే చెప్పొచ్చు. మొత్తానికి – ఇప్పుడు వైసీపీ డిఫెన్స్ ప్లాన్ కాకుండా పక్కా ఆఫెన్సివ్ పాలిటిక్స్ బాటలోకి వస్తే తప్ప, ఇది చివరి మ్యాచ్ అయిపోయే ప్రమాదం ఉంది!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి