నటసింహం నందమూరి బాలకృష్ణ మరియు మాస్ డైరెక్టర్ బోయపాటి శ్రీను కాంబినేషన్ అంటేనే అంచనాలకు అవధులు ఉండవు. ఈ జోడి ‘సింహా’, ‘లెజెండ్’, ‘అఖండ’ సినిమాలతో మాస్ మేజిక్‌ను సృష్టించి, ప్రేక్షకులను థియేటర్లకు బందీలు చేశారు. ఇప్పుడు అదే కాంబినేషన్ మరోసారి "అఖండ 2 – తాండవం" రూపంలో తెరపైకి రావడానికి సిద్ధమవుతోంది. ఈ ప్రాజెక్ట్‌పై ఇప్పటికే ఫ్యాన్స్‌లో బోలెడన్ని అంచనాలు నెలకొన్నాయి. అఘోరిగా మరోసారి బాలయ్య అఖండం…! ‘అఖండ’లో అఘోర  గా బాలయ్య చూపిన పవర్ ఇప్పటికీ అభిమానుల మదిలో నిలిచి ఉంది.


ఇక ఇప్పుడు అదే పాత్రకు మరింత డెప్ ఇచ్చేలా, ఇంకొంత ఫెరొసిటీతో ‘అఖండ 2’ కోసం బోయపాటి స్క్రిప్ట్ రాసుకున్నాడట. ఈసారి బాలయ్య తాండవం మరింత ఉగ్రంగా,   సాగనుందని సినీ వర్గాల టాక్. స్పెషల్ సాంగ్ – స్టార్ హీరోయిన్ హంగామా! .. ఇక తాజాగా వెలువడిన అప్‌డేట్ ప్రకారం, ఈ మూవీలో ఓ స్పెషల్ మాస్ నంబర్ కోసం బోయపాటి శ్రీను ఫుల్ ప్లాన్ చేసుకున్నారట. ఈ సాంగ్‌లో ఓ స్టార్ హీరోయిన్ను ఎంపిక చేయాలని చూస్తున్నారట. కమర్షియల్ ఎలిమెంట్స్‌కు ఇది కీలకం కాబట్టి, థియేటర్లలో ఈ సాంగ్ ఓ హైలైట్ అవుతుందని ఇండస్ట్రీ టాక్. పూజా హెగ్డే, నోరా ఫతేహి లాంటి గ్లామరస్ ఆప్షన్లు పరిశీలనలో ఉన్నట్టు సమాచారం.


బలమైన కాస్ట్ అండ్ క్రూ – టెక్నికల్ ఎక్సలెన్స్ .. ఈ సినిమాను 14 రీల్స్ ప్లస్ బ్యానర్‌పై రామ్ ఆచంట, గోపీ ఆచంట నిర్మిస్తున్నారు. సంగీత దర్శకుడిగా ఎస్.ఎస్. థమన్ మరోసారి రంగంలోకి దిగుతున్నారు. ‘అఖండ’కు బీట్స్‌నే వెన్నుపోటుగా నిలిపిన థమన్, ఈసారి మరింత డివోషనల్ మాస్ టచ్‌తో సంచలనం రేపుతారట. హీరోయిన్ సంయుక్త మీనన్ – విలన్ ఆది పినిశెట్టి .. ఈ సినిమాకు గ్లామర్ అండ్ గ్రేస్ జోడించేందుకు సంయుక్త మీనన్ హీరోయిన్‌గా నటించనుండగా, మల్టీ టాలెంటెడ్ యాక్టర్ ఆది పినిశెట్టి విలన్‌గా తెరపై బాలయ్యకు గట్టి పోటీనివ్వబోతున్నారు. బోయపాటి – బాలయ్య మాస్ టెంపరేచర్ రేస్ మళ్లీ మొదలైంది. ఇక స్పెషల్ సాంగ్‌తో థియేటర్లే తండోరా అన్నట్టు మారే రోజులు దగ్గరలోనే ఉన్నాయి!
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Akhanda 2

Amruth kumar

04/08/2025 11:55 AM