శిబు సోరెన్ మరణంపై ఆయన కుమారుడు, ప్రస్తుత జార్ఖండ్ ముఖ్యమంత్రి హేమంత్ సోరెన్ తీవ్రంగా స్పందించారు. ‘‘గౌరవనీయులైన దిశోం గురూజీ మనందరినీ విడిచిపోయారు. ఈ రోజు నేను శూన్యంలో ఉన్నాను,’’ అంటూ ఎక్స్ లో ట్వీట్ చేశారు. ఈ మాటలు శిబుసోరెన్ ఎలాంటి త్యాగపథాన్ని మిగిల్చారో తెలుపుతున్నాయి. జార్ఖండ్ కోసం జరిపిన ధీరపోరాటం .. శిబు సోరెన్ పేరు వినగానే జార్ఖండ్ ప్రత్యేక రాష్ట్ర పోరాటం గుర్తొస్తుంది. అతివలిత ప్రాంతాల ప్రజల హక్కుల కోసం సాగిన ఉద్యమానికి ఆయనే ప్రాణం పోసారు. జార్ఖండ్ ముక్తి మోర్చా పార్టీ స్థాపించి, గిరిజనుల హక్కుల కోసం అనేక దశాబ్దాలపాటు పోరాడారు. అదే పోరాటం ఫలితంగా జార్ఖండ్ రాష్ట్రంగా అవతరించింది. ఆపై మూడు సార్లు సీఎం పదవిలో ఉండటంతో పాటు కేంద్ర మంత్రిగా కూడా సేవలందించారు.
కుల, వర్గ రాజకీయాలకు వ్యతిరేకంగా ప్రజాకర్షక నాయకుడు .. శిబు సోరెన్ రాజకీయాలు వర్గ, కులపరంగా కాకుండా ప్రజాకేంద్రీకృతంగా సాగాయి. జాతీయ స్థాయిలో అజేయమైన గళంగా ఎదిగిన ఆయన .. గిరిజనుల గోడులు దేశం వింటే కారణం ఆయనే. దిశోం గురూజీ అనే పేరుతో అభిమానుల మదిలో నిలిచిపోయిన శిబుసోరెన్ మృతి... జార్ఖండ్ రాజకీయాల్లో శూన్యతను సృష్టించింది. శిబు సోరెన్ మానవ హక్కుల కోసం, గిరిజనుల సంక్షేమం కోసం, ప్రత్యేక రాష్ట్ర ఆవిర్భావం కోసం చేసిన కృషి ఆయనను చరిత్రలో చిరస్థాయిగా నిలిపేస్తుంది. రాజకీయానికి పునాది అనే విధంగా పోరాట పటిమను మిగిల్చిన శిబు సోరెన్ ఇక లేరు కానీ, ఆయన ఆశయాలు ఇంకా ఆ ప్రజల హృదయాల్లో జీవిస్తూనే ఉంటాయి !
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి