మజ్జిగను కాలాలతో సంబంధం లేకుండా తాగటం మంచిదని ఆరోగ్య నిపుణులు సూచిస్తున్నారు. సాధారణ మజ్జిగకు కొత్తిమీర, పుదీనా ఆకులు, జీరా పౌడర్, ఉప్పు, రెండు మూడు వెల్లుల్లి రెబ్బలను వేసుకుని తాగితే రుచికరంతోపాటుగా ఆరోగ్యానికి మేలు కలుగుతుంది. ఇలాంటి మజ్జిగ తాగటం వల్ల కలిగే ప్రయోజనాలు తెలుసుకుందాం..వయసుతో సంబంధం లేకుండా చాలా మంది అధిక రక్తపోటు బారిన పడుతున్నారు. కానీ ఈ బీపీ గుండె పోటుతో సహా ఎన్నో ప్రమాదకరమైన రోగాలకు దారితీస్తుంది. ఇలాంటి వారికి మజ్జిగ ఔషదంలా పనిచేస్తుంది. మజ్జిగ బీపీని త్వరగా కంట్రోల్ చేస్తుందని అధ్యయనాల్లో తేలింది.పిల్లలకు మజ్జిగను తప్పకుండా ఇవ్వాలి. ఎందుకంటే ఇది పిల్లల్లో వచ్చే కడుపు నొప్పిని తగ్గిస్తుంది. గడబిడ లేకుండా ఉంటుంది. మజ్జిగ ఎలాంటి కడుపుకు సంబంధించిన సమస్యలైనా ఇట్టే తగ్గిస్తుంది.మజ్జిగలో విటమిన్లు, ప్రోటీన్లు పుష్కలంగా ఉంటాయి. ముఖ్యంగా మజ్జిగలో ఉండే కాల్షియం, విటమిన్ బి, మెగ్నీషియం, పొటాషియంలు మనల్ని ఆరోగ్యంగా ఉంచుతాయి.


రోజూ గ్లాస్ మజ్జిగను తాగడం వల్ల రోగనిరోధక వ్యవస్థ బలంగా ఉంటుంది. దగ్గు, జలుబుతో బాధపడేవారు చిక్కని మజ్జిగను తాగకూడదు. ఇది వివిధ రకాల ఇన్ఫెక్షన్లు దరిచేరకుండా చూసుకోవచ్చు.స్పైసీ ఫుడ్, ఫాస్ట్ ఫుడ్ వంటి బయటి ఆహారాలను ఎక్కువగా తింటే గ్యాస్ట్రిక్, అల్సర్, ఎసిడిటీ వంటి సమస్యలు వస్తాయి. కానీ ఈ సమస్యలు అంత తొందరగా తగ్గవు. అయితే ఆ సమయంలో ఒక గ్లాస్ మజ్జిగను తాగితే ఎసిడిటీ, గ్యాస్ సమస్యలు వెంటనే తగ్గిపోతాయి. అందుకే ఇలాంటి ఆహారాలను తిన్న తర్వాత మజ్జిగను ఖచ్చితంగా తాగటం మంచిది.మలబద్దకం, అజీర్థి వంటి సమస్యలకు మజ్జిగ బెస్ట్ మెడిసిన్ లా పనిచేస్తుంది. ఎందుకంటే మజ్జిగను తాగడం వల్ల జీర్ణవ్యవస్థ ఆరోగ్యంగా ఉంటుంది. మెరుగ్గా పనిచేస్తుంది. ఈ మజ్జిగలో జీరా పౌడర్ వేసుకుని తాగితే జీర్ణక్రియ సక్రమంగా ఉంటుంది. మలబద్దకం సమస్య వచ్చే అవకాశమే ఉండదు.కాబట్టి ఖచ్చితంగా మజ్జిగ తాగండి. ఎల్లప్పుడూ కూడా సంపూర్ణ ఆరోగ్యంగా ఉండండి.

మరింత సమాచారం తెలుసుకోండి:

BUTTER MILK

Purushottham Vinay

19/10/2022 09:48 PM