ఎన్విరాన్‌మెంటల్ క్లియరెన్స్, రాష్ట్ర ప్రభుత్వ అనుమతులు అన్ని సాఫీగా పూర్తవడంతో, ఇప్పుడు తుది ఉత్పత్తి దశలోకి అడుగుపెట్టబోతోంది. ఈ ప్రాజెక్ట్ కోసం ఆధునిక మెషినరీ, ఎక్విప్‌మెంట్‌లపై సుమారు రూ.300 కోట్లకు పైగా ఖర్చు చేశారు.పెద్ద ఎత్తున సాంకేతిక వనరులు ఉపయోగించడంతో పాటు, స్థానికులకు ఉపాధి అవకాశాలు కూడా విస్తృతంగా కలిగే అవకాశం ఉంది. భారతదేశం ప్రతి సంవత్సరం 800–1000 టన్నుల బంగారం దిగుమతి చేసుకుంటుంది. ఈ దిగుమతులు దేశ ఆర్థిక భారాన్ని మరింత పెంచుతున్నాయి. ఇలాంటి సమయంలో, జోన్నగిరి గోల్డ్ మైన్ ఉత్పత్తి ప్రారంభమైతే దేశీయ గోల్డ్ సరఫరాకు గణనీయమైన ఊతం లభిస్తుంది. దాంతో పాటు, బంగారం దిగుమతులపై ఆధారపడటాన్ని కూడా తగ్గించనుంది. ఇది దేశ ఆర్థిక వ్యవస్థకు పెద్ద మేలు చేస్తుందనే అంచనాలు ఉన్నాయి.
దక్షిణ గోల్డ్ మైన్స్ లిమిటెడ్ (DGML) ప్రత్యేకత ఏంటంటే… ఇది బీఎస్ఈలో లిస్టెడ్ అయిన ఏకైక గోల్డ్ ఎక్స్‌ప్లోరేషన్ కంపెనీ. కేవలం భారతదేశంలోనే కాదు, కిర్గిజ్‌స్తాన్ లో కూడా ఈ కంపెనీ బంగారు తవ్వకాల ప్రాజెక్టులను అభివృద్ధి చేస్తోంది. అక్కడి ప్రాజెక్ట్ కూడా 2025 అక్టోబర్ నాటికి ఉత్పత్తి మొదలుపెట్టబోతోంది. జోన్నగిరి గోల్డ్ ప్రాజెక్ట్ కేవలం ఆంధ్రప్రదేశ్‌కే కాదు, దేశానికే గర్వకారణం కానుంది. ప్రైవేట్ సెక్టార్‌లో ఇంత పెద్ద స్థాయి ప్రాజెక్ట్ మొదలుకావడం అరుదైన విషయం. బంగారం అంటే భారతీయులకు ప్రత్యేకమైన ఆభరణం. అలాంటి బంగారం ఇప్పుడు మన రాష్ట్రంలోనే తవ్వబడబోతుందంటే… అది ఆంధ్రప్రదేశ్ ప్రజలకే కాదు, మొత్తం దేశానికే గోల్డెన్ ఛాన్స్ అని చెప్పుకోవాలి. ఇక చూడాలి… జోన్నగిరి నుంచి వెలువడే ఈ బంగారం, దేశ ఆర్థిక స్థితిగతులపై ఎంత ప్రభావం చూపుతుందో!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి