
హీరో పవన్ కళ్యాణ్ పుట్టిన రోజు సెప్టెంబర్ 2. పవర్ స్టార్ పుట్టినరోజు సందర్భంగా బ్లాక్ బస్టర్ హిట్ కొట్టిన ఓ సినిమా మరోసారి తెరపైకి రానుంది. పవన్ కళ్యాణ్ హీరోగా నటించిన బద్రి సినిమా సెప్టెంబర్ 2న థియేటర్ మరోసారి రిలీజ్ చేయనున్నట్లు టాక్ వినిపిస్తుంది. ఈ మూవీ గురించి ప్రత్యేకంగా చెప్పాల్సిన పనిలేదు. ఎందుకంటే బద్రి సినిమా పవన్ కల్యాణ్ కెరీర్ లో మంచి హిట్ తెచ్చిపెట్టిన సినిమా. ఈ సినిమాకు పూరీ జగన్నాథ్ దర్శకత్వం వహించారు. ఈ సినిమాలో హీరోయిన్ గా రేణు దేశాయ్ నటించారు. ప్రకాశ్ రాజ్ ఈ మూవీలో ముఖ్యపాత్రలో కనిపించారు. అయితే ఈ సినిమా రీరిలీజ్ పై ఇంకా క్లారిటీ రావాల్సి ఉంది.
ఇక పవన్ కల్యాణ్ ప్రస్తుతం నటిస్తోన్న చిత్రాల్లో 'OG' (ఒరిజినల్ గ్యాంగ్స్టర్) మూవీ ఒకటి. ఈ సినిమాను యంగ్ డైరెక్టర్ సుజిత్ తెరకెక్కిస్తున్నాడు. ఈ మూవీ మాఫియా బ్యాగ్డ్రాప్తో రూపొందుతోంది. దీంతో ఈ చిత్రంపై అంచనాలు భారీ స్థాయిలో ఏర్పడ్డాయి. పవర్ఫుల్ యాక్షన్తో రాబోతున్న 'OG' సినిమాను rrr ప్రొడ్యూసర్ డీవీవీ ఎంటర్టైన్మెంట్స్ బ్యానర్పై దానయ్య భారీ బడ్జెట్తో నిర్మిస్తున్నారు. ఎస్ థమన్ దీనికి సంగీతాన్ని అందిస్తున్నాడు. ఈ సినిమాలో పవన్ కళ్యాణ్ కి జోడీగా ప్రియాంక మోహన్ నటిస్తోంది. అలాగే, అర్జున్ దాస్, ప్రకాశ్ రాజ్, శ్రీయా రెడ్డి సహా ఎంతో మంది కీలక పాత్రల్లో నటిస్తున్నారు.