ఇప్పటికే పర్యటనలు మొదలుపెట్టి, శ్రీశైలం ఆధారంగా నిర్మిణ ప్రాజెక్టుల పరిస్థితులపై అధ్యయనం మొదలుపెట్టారు. ఇద్దరు ఇతర జలవనరుల నిపుణులతో కలిసి తాను రాష్ట్రానికి ప్రయోజనం కలిగించే నిజాలను వెలుగులోకి తేవాలని ఎత్తుగడ వేస్తున్నారు. మరోవైపు, రాజధాని రెండో విడత భూసేకరణ ప్రక్రియపై నిమ్మగడ్డ రమేష్ కుమార్ ప్రశ్నలు లేవనెత్తుతున్నారు. నేరుగా వ్యతిరేకత వ్యక్తం చేయకున్నా... మొదటి దశలో భూములు ఇచ్చిన రైతుల ప్రయోజనాలు తీరాలని, తర్వాతే రెండో దశలోకి వెళ్లాలని అభిప్రాయపడుతున్నారు. ఎన్నికలకు ముందు ఏర్పాటు చేసిన వేదిక నుంచే ఆయన మరోసారి ప్రజల ముందుకు వచ్చి, ప్రభుత్వం తీరు ఎలా ఉందో తేటతెల్లం చేస్తున్నారని విశ్లేషకులు చెబుతున్నారు.
ఒకరు నీటి ప్రాజెక్టులపై.. మరొకరు రాజధాని ప్రాజెక్టుపై.. కానీ ఇద్దరూ ప్రభుత్వ విధానాలపై వేర్వేరు కోణాల్లో గట్టిగా ప్రశ్నల వర్షం కురిపిస్తున్నారు. ముఖ్యంగా, ఈ ఇద్దరూ గతంలో జగన్ పాలనకు గట్టి ఎదురుతిరిగిన వాళ్లే కావడం ఆసక్తికరంగా మారింది. ఇప్పుడు మళ్లీ చకచకా మైండ్ గేమ్ మొదలుపెట్టి, నాన్ పాలిటికల్ వేదికలతో ప్రజల్లోకి వెళ్లడం చూస్తే... ప్రభుత్వానికి ఇది గట్టి షాక్, అంటున్నారు విశ్లేషకులు. ప్రాజెక్టుల పేరుతో ప్రజల్లోకి వెళ్తున్న ఈ ఇద్దరు మాజీలు... ప్రభుత్వ నిగ్రహాన్ని ఎంతవరకు పరీక్షిస్తారో చూడాలి. అసలే అమరావతి వివాదం, సాగునీటి సమస్యలు సజీవంగా ఉండగా... ఇప్పుడు ఈ కొత్త విమర్శలతో టీడీపీ ప్రభుత్వం ఎదురెళ్లే అవకాశాలే ఎక్కువగా కనిపిస్తున్నాయి. రాజకీయ దుమారం కొత్త మలుపు తిరిగింది – బాగానే హీట్ పెరిగింది!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి